ਕੱਥੂਨੰਗਲ, 20 ਜੂਨ (ਦਲਵਿੰਦਰ ਸਿੰਘ ਰੰਧਾਵਾ)-ਸਥਾਨਕ ਕਸਬੇ 'ਚ ਸਥਿਤ ਸੁਖਮਨ ਹਸਪਤਾਲ ਵਿਖੇ 22 ਜੂਨ ਨੂੰ ਖ਼ੂਨਦਾਨ ਇਕ ਲਕਸ਼ਿਆ ਵੈੱਲਫੇਅਰ ਸੋਸਾਇਟੀ ਦੇ ਸਹਿਯੋਗ ਨਾਲ ਵਿਸ਼ਾਲ ਖ਼ੂਨਦਾਨ ਕੈਂਪ ਸੁਖਮਨ ਹਸਪਤਾਲ ਕੱਥੂਨੰਗਲ ਵਿਖੇ ਲਗਾਇਆ ਜਾ ਰਿਹਾ ਹੈ | ਇਸ ਸੰਬੰਧੀ ਸੁਖਮਨ ਹਸਪਤਾਲ ਕੱਥੂਨੰਗਲ ਦੇ ਐੱਮ. ਡੀ. ਡਾਕਟਰ ਰਣਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਲਕਸ਼ਿਆ ਵੈਲਫੇਅਰ ਸੋਸਾਇਟੀ ਦੇ ਸਹਿਯੋਗ ਨਾਲ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਜਾਵੇਗਾ, ਜਿਸ ਵਿਚ ਸਪੈਲਿਸ਼ਟ ਡਾਕਟਰਾਂ ਦੀ ਟੀਮ ਪੁੱਜ ਰਹੀ ਜੋ ਆਪਣੀ ਦੇਖ ਰੇਖ ਵਿਚ ਸਾਰੇ ਖ਼ੂਨ ਦਾਨੀ ਲੋਕਾਂ ਦਾ ਚੈੱਕ ਅੱਪ ਕਰਕੇ ਖ਼ੂਨ ਲੈਣਗੇ | ਇਹ ਖ਼ੂਨਦਾਨ ਕੈਂਪ ਹਸਪਤਾਲ ਵਿਚ ਸਵੇਰੇ 9 ਤੋਂ 3 ਵਜੇ ਤੱਕ ਆਯੋਜਿਤ ਕੀਤਾ ਜਾ ਰਿਹਾ ਹੈ, ਜਿਸ ਵਿਚ ਕੋਈ ਵੀ ਤੰਦਰੁਸਤ ਵਿਅਕਤੀ ਖ਼ੂਨਦਾਨ ਕਰਕੇ ਇਸ ਮਹਾਂ ਦਾਨ ਵਿਚ ਆਪਣਾ ਹਿੱਸਾ ਪਾ ਸਕਦਾ ਹੈ |