ਬਰਨਾਲਾ, 20 ਜੂਨ (ਅਸ਼ੋਕ ਭਾਰਤੀ)-ਕਬੱਡੀ ਖਿਡਾਰੀ ਲਾਲੀ ਧਨੌਲਾ ਯੂਰਪ ਦੇ ਦੌਰੇ 'ਤੇ ਰਵਾਨਾ ਹੋਣ ਮੌਕੇ ਸ਼ਹੀਦ ਭਗਤ ਸਿੰਘ ਕਬੱਡੀ ਅਕੈਡਮੀ ਬਰਨਾਲਾ ਦੇ ਦਫ਼ਤਰ ਵਿਖੇ ਅਕੈਡਮੀ ਦੇ ਪ੍ਰਬੰਧਕਾਂ ਨਾਲ ਗੱਲਬਾਤ ਕਰਨ ਮੌਕੇ ਅਕੈਡਮੀ ਦੇ ਜਨਰਲ ਸਕੱਤਰ ਬਲਜੀਤ ਸਿੰਘ ਮਾਨ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਬੱਡੀ ਦੇ ਕੌਮਾਂਤਰੀ ਖਿਡਾਰੀ ਲਾਲੀ ਧਨੌਲਾ ਤਿੰਨ ਮਹੀਨਿਆਂ ਲਈ ਜਾ ਰਹੇ ਹਨ | ਲਾਲੀ ਧਨੌਲਾ ਦੀ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਦੇਖਦਿਆਂ ਇਸ ਦੀ ਯੂਰਪ ਦੇਸਾਂ ਲਈ ਚੋਣ ਕੀਤੀ ਗਈ ਹੈ | ਯੂਰਪ ਦੇ ਸਮੱੁਚੇ ਟੂਰਨਾਮੈਂਟ ਵਿਚ ਵਧੀਆ ਪ੍ਰਦਰਸ਼ਨ ਕਰਦੇ ਹਾਂ ਕਿ ਉਹ ਆਪਣੇ ਮਾਪਿਆਂ ਤੇ ਅਕੈਡਮੀ ਦਾ ਨਾਂਅ ਰੌਸ਼ਨ ਕਰਨਗੇ | ਇਸ ਮੌਕੇ ਮਾ: ਜਗਰਾਜ ਭੱਠਲ, ਰਾਜਾ ਰਾਏਸਰ, ਓਮ ਪ੍ਰਕਾਸ਼ ਘੰਡਾਬੰਨਾ, ਹਰਮੇਲ ਸੰਘੇੜਾ, ਪ੍ਰੋ: ਬਹਾਦਰ ਸਿੰਘ ਸੰਧੂ, ਰਮਨ ਗੌਡ ਆਦਿ ਹਾਜ਼ਰ ਸਨ |
