ਮਾਛੀਵਾੜਾ ਸਾਹਿਬ, 21 ਸਤੰਬਰ (ਰਾਜਦੀਪ ਸਿੰਘ ਅਲਬੇਲਾ)-ਸਥਾਨਕ ਦੁਸ਼ਹਿਰਾ ਮੈਦਾਨ ਵਿਖੇ ਸਰਵਹਿਤਕਾਰੀ ਸ੍ਰੀ ਰਾਮ ਲੀਲ੍ਹਾ ਕਮੇਟੀ ਵਲੋਂ ਰਾਮ ਲੀਲ੍ਹਾ ਦੀ ਸ਼ੁਰੂਆਤ ਹੋ ਗਈ ਹੈ¢ ਇਸ ਮੌਕੇ ਪਹਿਲੀ ਰਾਤ ਦਾ ਉਦਘਾਟਨ ਆੜ੍ਹਤੀ ਰਾਜੀਵ ਕੌਸ਼ਲ, ਸ਼ਸ਼ੀ ਭਾਟੀਆ ਅਤੇ ਜੈਦੀਪ ਕਾਹਲੋਂ ਨੇ ਸੰਯੁਕਤ ਰੂਪ ਵਿਚ ਜੋਤੀ ਪ੍ਰਚੰਡ ਕਰ ਕੇ ਕੀਤਾ ¢ ਸਭ ਤੋਂ ਪਹਿਲਾਂ ਪ੍ਰਬੰਧਕ ਕਮੇਟੀ ਵਲੋਂ ਹਵਨ ਕਰਵਾਇਆ, ਉਪਰੰਤ ਆਰਤੀ ਕਰ ਮੰਚਨ ਸ਼ੁਰੂ ਕਰਵਾਇਆ¢ ਮੁੱਖ ਮਹਿਮਾਨ ਰਾਜੀਵ ਕੌਸ਼ਲ, ਸ਼ਸ਼ੀ ਭਾਟੀਆ ਤੇ ਜੈਦੀਪ ਕਾਹਲੋਂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਸਾਨੂੰ ਪਵਿੱਤਰ ਗ੍ਰੰਥ ਰਮਾਇਣ ਤੋਂ ਸਿੱਖਿਆ ਪ੍ਰਾਪਤ ਕਰ ਰਿਸ਼ਤਿਆਂ ਦੀ ਕੀਮਤ ਜਾਣਨੀ ਚਾਹੀਦੀ ਹੈ ¢ ਉਨ੍ਹਾਂ ਸਭਾ ਦੇ ਅਹੁਦੇਦਾਰਾਂ ਤੇ ਕਲਾਕਾਰਾਂ ਦੇ ਕਾਰਜ ਦੀ ਸ਼ਲਾਘਾ ਕੀਤੀ¢ ਪਹਿਲੀ ਰਾਤ ਦਿਖਾਏ ਗਏ ਦਿ੍ਸ਼ਾਂ ਵਿਚ ਨਟ-ਨਟੀ, ਰਾਵਣ ਵਲੋਂ ਭਗਵਾਨ ਸ਼ਿਵ ਦਾ ਕੈਲਾਸ਼ ਪਰਬਤ ਚੁੱਕਣ ਦੇ ਦਿ੍ਸ਼ ਦਿਖਾਏ ¢ ਸਰਵਹਿਤਕਾਰੀ ਰਾਮ ਲੀਲ੍ਹਾ ਪ੍ਰਬੰਧਕ ਕਮੇਟੀ ਪ੍ਰਧਾਨ ਅਸ਼ੋਕ ਸੂਦ ਅਤੇ ਚੇਅਰਮੈਨ ਮੋਹਿਤ ਕੁੰਦਰਾ ਨੇ ਆਏ ਮੁੱਖ ਮਹਿਮਾਨਾਂ ਨੂੰ ਸਨਮਾਨਿਤ ਵੀ ਕੀਤਾ¢ ਇਸ ਮੌਕੇ ਸੰਜੀਵ ਲੀਹਲ, ਕੌਂਸਲਰ ਨੀਰਜ ਕੁਮਾਰ ਵੀ ਸ਼ਾਮਿਲ ਸਨ ¢
