ਐਸ. ਐਸ. ਬੀ. ਦੇ ਜਵਾਨ ਦਾ ਸਰਕਾਰੀ ਸਨਮਾਨ ਨਾਲ ਕੀਤਾ ਅੰਤਿਮ ਸੰਸਕਾਰ
ਅਜੀਤ ਡੈਸਕ
24-12-2025
ਸਿਰਸਾ, 23 ਦਸੰਬਰ (ਭੁਪਿੰਦਰ ਪੰਨੀਵਾਲੀਆ)- ਸਿਰਸਾ ਜ਼ਿਲ੍ਹਾ ਦੇ ਪਿੰਡ ਢੂਕੜਾ 'ਚ ਐਸਐਸਬੀ ਦੇ ਜਵਾਨ ਸੁਰਜੀਤ ਸਿੰਘ ਸਰਕਾਰੀ ਸਨਮਾਨ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ | ਇਸ ਮੌਕੇ 'ਤੇ ਕਈ ਸਥਾਨਕ ਆਗੂਆਂ ਤੋਂ ਇਲਾਵਾ ਇਲਾਕੇ ਦੇ ਲੋਕ ਵੱਡੀ ਗਿਣਤੀ 'ਚ ਮੌਜੂਦ ਸਨ |ਮਿਲੀ ਜਾਣਕਾਰੀ ਪਿੰਡ ਢੂਕੜਾ ਵਾਸੀ ਸੁਰਜੀਤ ਸਿੰਘ 2013 ਐਸਐਸਬੀ 'ਚ ਜੁਆਇਨ ਕੀਤਾ ਸੀ | ਦੱਸਿਆ ਗਿਆ ਹੈ ਕਿ ਸੁਰਜੀਤ ਸਿੰਘ ਬੀਤੇ ਦਿਨੀਂ 15 ਦਿਨ ਦੀਆਂ ਛੁੱਟੀਆਂ ਕੱਟਣ ਮਗਰੋਂ ਆਪਣੀ ਨੌਕਰੀ 'ਤੇ ਗਿਆ ਸੀ | ਜਿਥੇ ਸੀਵਨ ਏਰੀਏ 'ਚ ਇਕ ਟਰੱਕ ਪਲਟਣ ਨਾਲ ਉਸ ਦੀ ਮੌਤ ਹੋ ਗਈ ਸੀ | ਅੱਜ ਉਸ ਦੀ ਮਿਰਤਕ ਦੇਹ ਪਿੰਡ ਪਹੁੰਚਣ 'ਤੇ ਮਾਹੌਲ ਗਮਗੀਨ ਹੋ ਗਿਆ | ਸੁਰਜੀਤ ਸਿੰਘ ਨੇ ਪਿੰਡ ਦੇ ਸਰਕਾਰੀ ਸਕੂਲ ਤੋਂ ਦਸਵੀਂ ਦੀ ਪੜ੍ਹਾਈ ਕੀਤੀ ਤੇ ਮਗਰੋਂ ਨੌਕਰੀ ਜੁਆਇਨ ਕਰ ਲਈ | ਮਿ੍ਤਕ ਜਵਾਨ ਦੇ ਦੋ ਹੋਰ ਭਰਾ ਅਮਰ ਸਿੰਘ ਤੇ ਰਮੇਸ਼ ਕੁਮਾਰ ਹਨ | ਰਮੇਸ਼ ਕੁਮਾਰ ਵੀਐਲਡੀ ਹੈ |
ਮਿ੍ਤਕ ਜਵਾਨ ਦੇ ਦੋ ਪੁੱਤਰ ਹਨ | ਵੱਡਾ ਪੁੱਤਰ ਰਾਹੁਲ ਦਸਵੀਂ ਜਮਾਤ 'ਚ ਪੜ੍ਹਦਾ ਹੈ ਤੇ ਛੋਟਾ ਅਸ਼ਵਨੀ ਸਤਵੀਂ ਜਮਾਤ ਦਾ ਵਿਦਿਆਰਥੀ ਹੈ | ਸੁਰਜੀਤ ਸਿੰਘ ਦੇ ਅੰਤਿਮ ਸੰਸਕਾਰ ਮੌਕੇ ਪਿੰਡ ਦੇ ਲੋਕਾਂ ਤੋਂ ਇਲਾਵਾ ਏਨਨਾਬਾਦ ਹਲਕੇ ਤੋਂ ਸਾਬਕਾ ਵਿਧਾਇਕ ਅਭੈ ਸਿੰਘ ਚੌਟਾਲਾ, ਕਿਸਾਨ ਆਗੂ ਪ੍ਰਕਾਸ਼ ਮਮੇਰਾਂ ਸਮੇਤ ਕਈ ਹੋਰ ਸਥਾਨ ਆਗੂ ਮੌਜੂਦ ਸਨ |
