22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 25-11-2025

ਕੂੜੇ ਦੇ 143 ਕਰੋੜ ਦੇ ਟੈਂਡਰ ਦੇ ਵਿਰੋਧ 'ਚ ਨਿਗਮ ਯੂਨੀਅਨਾਂ ਨੇ ਬੰਦ ਕਰਵਾਇਆ ਨਿਗਮ ਦਫਤਰ

ਅਜੀਤ ਡੈਸਕ 25-11-2025
ਜਲੰਧਰ, 24 ਨਵੰਬਰ (ਸ਼ਿਵ)-ਸ਼ਹਿਰ ਵਿਚ ਕੂੜੇ ਦਾ ਕੰਮ 143 ਕਰੋੜ ਵਿਚ ਕੰਪਨੀ ਨੂੰ ਦੇਣ ਦਾ ਵਿਰੋਧ ਕਰਦੇ ਹੋਏ ਨਿਗਮ ਯੂਨੀਅਨਾਂ ਵਲੋਂ ਨਿਗਮ ਦਫਤਰ ਨੂੰ ਬੰਦ ਕਰਵਾ ਕੇ ਕੰਮਕਾਜ ਠੱਪ ਕਰਵਾ ਦਿੱਤਾ ਸਗੋਂ ਨਿਗਮ ਯੂਨੀਅਨਾਂ ਨੇ ਇਸ ਟੈਂਡਰ ਦੇ ਵਿਰੋਧ ਵਿਚ ਸਰਕਾਰ ਖ਼ਿਲਾਫ਼ ਸ੍ਰੀ ਰਾਮ ਚੌਕ ਵਿਚ ਅਰਥੀ ਫ਼ੂਕ ਪ੍ਰਦਰਸ਼ਨ ਕੀਤਾ | ਨਿਗਮ ਪ੍ਰਸ਼ਾਸਨ ਵਲੋਂ ਅੱਜ 143 ਕਰੋੜ ਦੇ ਟੈਂਡਰ ਨੂੰ ਖੋਲਿ੍ਹਆ ਜਾਣਾ ਸੀ ਪਰ ਇਸ ਤੋਂ ਪਹਿਲਾਂ ਹੀ ਨਿਗਮ ਯੂਨੀਅਨ ਦੇ ਆਗੂਆਂ ਨੇ ਨਿਗਮ ਦਫਤਰ ਨੂੰ ਤਾਲੇ ਲਗਾ ਕੇ ਸਰਕਾਰ ਦੇ ਇਸ ਕਦਮ ਦੀ ਨਿੰਦਾ ਕੀਤੀ | ਬਾਅਦ ਵਿਚ ਸਾਰੇ ਮੁਲਾਜ਼ਮਾਂ ਨੇ ਪੈਦਲ ਚੱਲ ਕੇ ਮੇਅਰ ਅਤੇ ਕਮਿਸ਼ਨਰ ਹਾਊਸ ਪੁੱਜ ਕੇ ਧਰਨਾ ਲਗਾਇਆ ਤੇ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ ਤੇ 143 ਕਰੋੜ ਦੇ ਟੈਂਡਰ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ | ਪੰਜਾਬ ਸਫ਼ਾਈ ਫੈੱਡਰੇਸ਼ਨ ਦੇ ਜਨਰਲ ਸਕੱਤਰ ਸੰਨੀ ਸਹੋਤਾ ਨੇ ਇਸ ਟੈਂਡਰ ਦਾ ਸਖ਼ਤ ਵਿਰੋਧ ਕਰਦਿਆਂ ਕਿਹਾ ਕਿ ਸਾਡੀਆਂ ਯੂਨੀਅਨਾਂ ਮੁਲਾਜ਼ਮ ਮਾਰੂ ਨੀਤੀਆਂ ਦੇ ਖ਼ਿਲਾਫ਼ ਹਨ | ਜੇਕਰ ਨਗਰ ਨਿਗਮ ਵਲੋਂ ਘਰੋਂ-ਘਰੀਂ ਕੂੜਾ ਚੁੱਕਣ ਦਾ ਕੰਮ 143 ਕਰੋੜ ਦਾ ਠੇਕਾ ਦਿੱਤਾ ਗਿਆ ਤਾਂ ਸਾਰੀਆਂ ਯੂਨੀਅਨਾਂ ਹੜਤਾਲ 'ਤੇ ਚਲੀਆਂ ਜਾਣਗੀਆਂ | 28 ਨਵੰਬਰ ਨੂੰ ਸਫ਼ਾਈ ਮਜ਼ਦੂਰ ਫੈੱਡਰੇਸ਼ਨ ਪੰਜਾਬ ਦੇ ਬੈਨਰ ਹੇਠ ਸਮੂਹ ਯੂਨੀਅਨਾਂ ਦੀ ਮੀਟਿੰਗ ਸੱਦੀ ਗਈ ਹੈ | ਜਦੋਂ ਮੁਲਾਜ਼ਮਾਂ ਵਲੋਂ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ ਤਾਂ ਨਿਗਮ ਦਾ ਸਾਰਾ ਕੰਮ ਬੰਦ ਕਰ ਦਿੱਤਾ ਗਿਆ ਸੀ | ਯੂਨੀਅਨ ਆਗੂਆਂ ਵਲੋਂ ਸਾਰੇ ਮੁਲਾਜ਼ਮਾਂ ਨੂੰ ਦਫਤਰ ਬਾਹਰ ਕੱਢ ਕੇ ਤਾਲਾ ਲਗਾ ਦਿੱਤਾ ਗਿਆ ਤੇ ਗੇਟ ਦੇ ਅੱਗੇ ਕੂੜੇ ਵਾਲੀਆਂ ਗੱਡੀਆਂ ਖੜ੍ਹੀਆਂ ਕਰ ਦਿੱਤੀਆਂ ਗਈਆਂ |
ਨਿਗਮ 'ਚ ਦੁਪਹਿਰ ਬਾਅਦ ਕੰਮ ਸ਼ੁਰੂ ਹੋਇਆ ਤਾਂ ਉਸ ਵੇਲੇ ਮੁਲਾਜ਼ਮਾਂ ਦੀ ਗਿਣਤੀ ਕਾਫੀ ਘੱਟ ਸੀ ਤੇ ਦੂਜੇ ਪਾਸੇ ਹੜਤਾਲ ਕਰਕੇ ਸ਼ਹਿਰ 'ਚੋਂ ਕੂੜਾ ਨਹੀਂ ਚੁੱਕਿਆ ਗਿਆ | ਕਈ ਡੰਪਾਂ 'ਤੇ ਕੂੜਾ ਭਰਿਆ ਹੋਇਆ ਸੀ |
ਅੱਜ ਯੂਨੀਅਨਾਂ ਵਲੋਂ ਕੀਤੇ ਗਏ ਧਰਨਾ ਪ੍ਰਦਰਸ਼ਨ 'ਚ ਪਵਨ ਅਗਨੀਹੋਤਰੀ, ਅਸ਼ੋਕ ਭੀਲ, ਪਵਨ ਬਾਬਾ, ਸੰਨ੍ਹੀ ਸੇਠੀ, ਗੌਰਵ ਗਿੱਲ, ਹੀਰੋ ਸਭਰਵਾਲ, ਨੋਨਾ ਪ੍ਰਧਾਨ, ਵਿਜੇ ਸੋਂਧੀ, ਸਤਨਾਮ ਸਿੰਘ ਹੀਰਾ, ਨਰੇਸ਼ ਭੱਲਾ, ਪ੍ਰਦੀਪ ਸਰਵਟੇ, ਵਿਨੋਦ ਸਹੋਤਾ, ਸ਼ਾਮ ਲਾਲ ਗਿੱਲ, ਅਨੂਪ ਕੁਮਾਰ ਤੇ ਹੋਰ ਵੀ ਹਾਜ਼ਰ ਸਨ |
ਪਿਛਲੀ ਖ਼ਬਰ ਮਾਨਵ ਸਹਿਯੋਗ ਸਕੂਲ ਵਿਚ 'ਰੰਗਮੰਚ 2025' ਸਾਲਾਨਾ ਸਮਾਰੋਹ ਕਰਵਾਇਆ ਅਗਲੀ ਖ਼ਬਰ ਬਾਬਾ ਹਰਿਵੱਲਭ ਸੰਗੀਤ ਸੰਮੇਲਨ ਨੂੰ ਸਮਰਪਿਤ ਹੋਵੇਗਾ ਦੋਆਬਾ ਚੌਕ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।