ਨਵੀਂ ਦਿੱਲੀ, 30 ਜਨਵਰੀ (ਪੀ.ਟੀ.ਆਈ.)-ਆਰਥਿਕ ਸਰਵੇਖਣ ਵਿਚ ਆਰ.ਟੀ.ਆਈ. ਕਾਨੂੰਨ ਦੀ ਮੁੜ ਜਾਂਚ ਕਰਨ ਦੀ ਮੰਗ ਕੀਤੇ ਜਾਣ ਤੋਂ ਇਕ ਦਿਨ ਬਾਅਦ ਕਾਂਗਰਸ ਪ੍ਰਧਾਨ ਮਲਿਕਅਰਜੁਨ ਖੜਗੇ ਨੇ ਸ਼ੁੱਕਰਵਾਰ ਨੂੰ ਪੁੱਛਿਆ ਕਿ ਕੀ ਮਨਰੇਗਾ ਦੀ ਹੱਤਿਆ ਤੋਂ ਬਾਅਦ ਹੁਣ ਆਰ.ਟੀ.ਆਈ. ਕਾਨੂੰਨ ਦੀ ਹੱਤਿਆ ਕਰਨ ਦੀ ਵਾਰੀ ਹੈ | ਆਪਣੇ ਸੋਸ਼ਲ ਮੀਡੀਆ ਮੰਚ 'ਤੇ ਪਾਈ ਇਕ ਪੋਸਟ ਵਿਚ ਖੜਗੇ ਨੇ ਕੇਂਦਰ ਸਰਕਾਰ 'ਤੇ ਆਰ.ਟੀ.ਆਈ. ਐਕਟ ਨੂੰ ਯੋਜਨਾਬੱਧ ਢੰਗ ਨਾਲ ਕਮਜ਼ੋਰ ਕਰਨ ਅਤੇ ਸੱਚਾਈ ਦੀ ਭਾਲ ਕਰਨ ਵਾਲਿਆਂ ਨੂੰ ਸਜ਼ਾ ਦੇਣ ਵਾਲੇ ਦਹਿਸ਼ਤ ਦਾ ਮਾਹÏਲ ਪੈਦਾ ਕਰਨ ਦਾ ਦੋਸ਼ ਲਗਾਇਆ ਹੈ | ਉਨ੍ਹਾਂ ਦੱਸਿਆ ਕਿ 2014 ਤੋਂ ਹੁਣ ਤੱਕ 100 ਤੋਂ ਵੱਧ ਆਰ.ਟੀ.ਆਈ. ਕਾਰਕੁੰਨਾਂ ਦੀ ਹੱਤਿਆ ਕਰ ਦਿੱਤੀ ਗਈ ਹੈ | ਆਰਥਿਕ ਸਰਵੇਖਣ ਵਿਚ ਸੂਚਨਾ ਅਧਿਕਾਰ ਕਾਨੂੰਨ ਦੇ 'ਮੁੜ-ਮੁਲਾਂਕਣ' ਦੀ ਮੰਗ ਕੀਤੀ ਗਈ ਹੈ | ਇਸ ਜਾਣਕਾਰੀ ਨੂੰ ਰੋਕਣ ਲਈ 'ਮੰਤਰਾਲੇ ਦੇ ਵੀਟੋ' ਦਾ ਸੁਝਾਅ ਵੀ ਦਿੰਦਾ ਹੈ ਅਤੇ ਨÏਕਰਸ਼ਾਹਾਂ ਦੇ ਜਨਤਕ ਸੇਵਾ ਰਿਕਾਰਡਾਂ, ਤਬਾਦਲਿਆਂ ਅਤੇ ਸਟਾਫ ਰਿਪੋਰਟਾਂ ਨੂੰ ਜਨਤਕ ਜਾਂਚ ਤੋਂ ਬਚਾਉਣ ਦੀ ਸੰਭਾਵਨਾ ਦੀ ਪੜਚੋਲ ਕਰਦਾ ਹੈ¢
