ਹਾਜੀਪੁਰ, 1 ਮਾਰਚ (ਜੋਗਿੰਦਰ ਸਿੰਘ)-ਹਾਜੀਪੁਰ-ਤਲਵਾੜਾ ਸੜਕ 'ਤੇ ਸ਼ਮਸ਼ਾਨਘਾਟ ਨਜ਼ਦੀਕ ਚੱਲਦੇ ਲੋਡਿਡ ਟਿੱਪਰ ਨੂੰ ਅੱਗ ਲੱਗ ਜਾਣ ਦਾ ਸਮਾਚਾਰ ਹੈ | ਜਾਣਕਾਰੀ ਦਿੰਦੇ ਹੋਏ ਟਿੱਪਰ ਚਾਲਕ ਨਵਜੀਤ ਸਿੰਘ ਪੁੱਤਰ ਬਲਵਾਨ ਸਿੰਘ ਵਾਸੀ ਉਦੀਪੁਰ ਥਾਣਾ ਬਹਿਰਾਮਪੁਰ ਜ਼ਿਲ੍ਹਾ ਗੁਰਦਾਸਪੁਰ ਨੇ ਦੱਸਿਆ ਕਿ ਉਹ ਤਲਵਾੜਾ ਨਜ਼ਦੀਕ ਪਿੰਡ ਅਮਰੋਹ ਤੋਂ ਰਾਤ 7:30 ਵਜੇ ਟਿੱਪਰ ਨੰਬਰ ਪੀ.ਬੀ. 10 ਜੇ.ਏ-56 'ਤੇ ਮਿੱਟੀ ਲੈ ਕੇ ਆ ਰਿਹਾ ਸੀ ਤਾਂ ਜਦੋਂ ਕਸਬਾ ਹਾਜੀਪੁਰ ਦੇ ਸ਼ਮਸ਼ਾਨਘਾਟ ਨਜ਼ਦੀਕ ਪੁੱਜਾ ਤਾਂ ਟਿੱਪਰ ਦਾ ਟਾਇਰ ਫੱਟ ਗਿਆ ਤੇ ਅਚਾਨਕ ਟਿੱਪਰ ਨੂੰ ਅੱਗ ਲੱਗ ਗਈ ਤੇ ਅੱਗ ਇੰਨੀ ਜ਼ਿਆਦਾ ਫੈਲ ਗਈ ਕਿ ਟਿੱਪਰ ਸੜ ਕੇ ਸੁਆਹ ਹੋ ਗਿਆ |
