ਹੁਸ਼ਿਆਰਪੁਰ, 2 ਮਈ (ਬਲਜਿੰਦਰਪਾਲ ਸਿੰਘ)-ਲਿਵਾਸਾ ਹਸਪਤਾਲ ਨੇ ਕਮਲ ਕਾਂਤ ਗੰਭੀਰ ਨੂੰ ਮੁੱਖ ਵਿੱਤੀ ਅਧਿਕਾਰੀ ਵਜੋਂ ਨਿਯੁਕਤ ਕੀਤਾ ਹੈ | ਇਹ ਲੀਡਰਸ਼ਿਪ ਟੀਮ ਨੂੰ ਹੋਰ ਮਜ਼ਬੂਤ ਕਰੇਗਾ ਕਿਉਂਕਿ ਹਸਪਤਾਲ ਦਾ ਨੈੱਟਵਰਕ ਪੂਰੇ ਉੱਤਰੀ ਭਾਰਤ 'ਚ ਵਧ ਤੇ ਫੈਲ ਰਿਹਾ ਹੈ | ਕਮਲ ਕਾਂਤ ਗੰਭੀਰ ਨੂੰ ਰਣਨੀਤਕ ਵਿੱਤ, ਸ਼ਾਸਨ, ਕਾਰੋਬਾਰੀ ਪਰਿਵਰਤਨ ਤੇ ਸਿਹਤ ਸੰਭਾਲ, ਨਿਰਮਾਣ, ਦੂਰਸੰਚਾਰ ਅਤੇ ਬਹੁ-ਰਾਸ਼ਟਰੀ ਸੰਗਠਨਾਂ ਵਿਚ ਲੀਡਰਸ਼ਿਪ 'ਚ 35 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ | ਉਨ੍ਹਾਂ ਨੇ ਵੱਕਾਰੀ ਸੰਗਠਨਾਂ 'ਚ ਮੁੱਖ ਲੀਡਰਸ਼ਿਪ ਭੂਮਿਕਾਵਾਂ ਨਿਭਾਈਆਂ ਹਨ | ਇਸ ਮੌਕੇ ਉਨ੍ਹਾਂ ਦਾ ਸਵਾਗਤ ਕਰਦੇ ਹੋਏ ਲਿਵਾਸਾ ਹਸਪਤਾਲ ਦੇ ਸੀ. ਈ. ਓ. ਅਨੁਰਾਗ ਯਾਦਵ ਨੇ ਕਿਹਾ ਕਿ ਉਨ੍ਹਾਂ ਦੀ ਡੂੰਘੀ ਵਿੱਤੀ ਮੁਹਾਰਤ, ਰਣਨੀਤਕ ਦਿ੍ਸ਼ਟੀਕੋਣ, ਅਤੇ ਸਾਬਤ ਹੋਈ ਲੀਡਰਸ਼ਿਪ ਸਾਡੇ ਨੈੱਟਵਰਕ ਨੂੰ ਵਧਾਉਣ ਤੇ ਭਵਿੱਖ ਲਈ ਤਿਆਰ ਸਿਹਤ ਸੰਭਾਲ ਸੰਗਠਨ ਬਣਾਉਣ ਵਿਚ ਅਨਮੋਲ ਸਾਬਤ ਹੋਵੇਗੀ | ਜ਼ਿਕਰਯੋਗ ਹੈ ਕਿ ਲਿਵਾਸਾ ਹਸਪਤਾਲ ਇਕ ਮਲਟੀ-ਸਪੈਸ਼ਲਿਟੀ ਟਰਸ਼ਰੀ ਕੇਅਰ ਹਸਪਤਾਲ ਨੈੱਟਵਰਕ ਹੈ, ਜਿਸ ਵਿਚ ਮੁਹਾਲੀ, ਅੰਮਿ੍ਤਸਰ, ਹੁਸ਼ਿਆਰਪੁਰ, ਨਵਾਂਸ਼ਹਿਰ ਤੇ ਖੰਨਾ ਵਿਚ 750 ਤੋਂ ਵੱਧ ਬਿਸਤਰੇ ਹਨ | 250 ਤੋਂ ਵੱਧ ਤਜਰਬੇਕਾਰ ਡਾਕਟਰਾਂ ਅਤੇ 40 ਤੋਂ ਵੱਧ ਸੁਪਰ ਸਪੈਸ਼ਲਿਟੀਜ਼ ਦੇ ਨਾਲ, ਨੈੱਟਵਰਕ ਗੁਣਵੱਤਾ, ਮਰੀਜ਼-ਕੇਂਦਿ੍ਤ ਤੇ ਕਿਫਾਇਤੀ ਸਿਹਤ ਸੰਭਾਲ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ |
