ਬੱਲੂਆਣਾ, 30 ਅਪ੍ਰੈਲ (ਜਸਮੇਲ ਸਿੰਘ ਢਿੱਲੋਂ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੇਰਾ ਖੇੜਾ ਵਿਖੇ ਸਕੂਲ ਪਿ੍ੰਸੀਪਲ ਮੈਡਮ ਦੀਪਿਕਾ ਠਾਕੁਰ ਦੀ ਯੋਗ ਅਗਵਾਈ ਹੇਠ ਬਿਜ਼ਨਸ ਬਲਾਸਟਰ ਦੀ ਪ੍ਰਦਰਸ਼ਨੀ ਲਗਾਈ ਗਈ | ਪ੍ਰਦਰਸ਼ਨੀ 'ਚ ਸਮੂਹ ਵਿਦਿਆਰਥੀਆ ਤੇ ਸਟਾਫ਼ ਨੇ ਸ਼ਮੂਲੀਅਤ ਕੀਤੀ | ਪ੍ਰਦਰਸ਼ਨੀ 'ਚ ਬਿਜ਼ਨਸ ਬਲਾਸਟਰ ਫੇਸ ਵਨ ਦੀਆਂ ਕੁੱਲ 11 ਟੀਮਾਂ ਨੇ ਭਾਗ ਲਿਆ | ਜਿਸ 'ਚ ਬੇਲਪੁਰੀ, ਪੋਪ ਕਾਰਨ, ਫਰੂਟ ਚਾਟ, ਸ਼ਿਕੰਜਵੀ, ਸਟਾਰ ਬੁਟੀਕ, ਵਿਰਾਸਤ ਪੰਜਾਬ, ਤਾਜ਼ਾ ਜੂਸ ਤੇ ਸ਼ੇਕ ਆਦਿ ਪ੍ਰਦਰਸ਼ਨੀ 'ਚ ਲਗਾਈਆਂ ਗਈਆਂ | ਇਸ ਸਮੇਂ ਮਾਸਟਰ ਰਾਕੇਸ਼ ਕੁਮਾਰ ਤੇ ਮੈਡਮ ਕਿਰਨਜੀਤ ਕੌਰ ਨੇ ਵਿਦਿਆਰਥੀਆਂ ਦੀ ਯੋਗ ਅਗਵਾਈ ਕੀਤੀ |
