ਅੰਮਿ੍ਤਸਰ, 11 ਮਈ (ਰਾਜੇਸ਼ ਕੁਮਾਰ ਸ਼ਰਮਾ)-ਪ੍ਰਾਚੀਨ ਸਿੱਧਪੀਠ ਮਾਤਾ ਸ੍ਰੀ ਭੱਦਰਕਾਲੀ ਮੇਲੇ ਨੂੰ ਸਮਰਪਿਤ ਅੱਜ ਮੰਦਰ 'ਚ ਹਵਨ ਯੱਗ ਸ਼ਰਧਾ ਭਾਵਨਾ ਨਾਲ ਕਰਵਾਇਆ ਗਿਆ, ਜਿਸ 'ਚ ਵੱਡੀ ਗਿਣਤੀ 'ਚ ਸ਼ਰਧਾਲੂਆਂ ਨੇ ਆਪਣੀ ਹਾਜ਼ਰੀ ਲਗਾਈ | ਇਸ ਸੰਬੰਧੀ ਮਹੰਤ ਸਤਪਾਲ ਸ਼ਰਮਾ, ਮਹੰਤ ਅਸ਼ਵਨੀ ਸ਼ਰਮਾ, ਮਹੰਤ ਵਿੱਕੀ ਸ਼ਰਮਾ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮਾਤਾ ਸ੍ਰੀ ਭੱਦਰਕਾਲੀ ਦਾ ਮੇਲਾ ਮੁੱਖ ਤੌਰ 'ਤੇ 13 ਤੋਂ 15 ਮਈ ਤੱਕ ਚੱਲੇਗਾ, ਜਿਸਦੀ ਰਸਮੀ ਆਰੰਭਤਾ ਅੱਜ ਹਵਨ ਯੱਗ ਅਤੇ ਬ੍ਰਹਮ ਭੋਜ ਨਾਲ ਕੀਤੀ ਗਈ | ਉਨ੍ਹਾਂ ਕਿਹਾ ਕਿ 12 ਮਈ ਨੂੰ ਮਹਾਂਮਾਈ ਦਾ ਵਿਸ਼ਾਲ ਜਾਗਰਣ ਕਰਵਾਇਆ ਜਾਵੇਗਾ, ਜਿਸ ਵਿਚ ਪ੍ਰਸਿੱਧ ਭਜਨ ਮੰਡਲੀਆਂ ਮਹਾਂਮਾਈ ਦਾ ਗੁਣਗਾਣ ਕਰਨਗੀਆਂ | ਉਨ੍ਹਾਂ ਸ਼ਰਧਾਲੂਆਂ ਨੂੰ ਅਪੀਲ ਕੀਤੀ ਕਿ ਉਹ ਮੇਲੇ 'ਚ ਮਹਾਂਮਾਈ ਦਾ ਅਸ਼ੀਰਵਾਦ ਲੈਣ ਪਹੁੰਚਣ |
