21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 29-04-2026

ਚੰਡੀਗੜ੍ਹ 'ਚ ਟੀ.ਐਫ.ਟੀ 'ਚ ਥੀਏਟਰ ਫ਼ੈਸਟੀਵਲ 2026 ਦਾ ਆਗਾਜ਼ ਸੰਗੀਤ, ਨਾਚ ਅਤੇ ਲੋਕ ਕਲਾਵਾਂ ਨਾਲ ਹੋਇਆ <br/>

ਟੈਗੋਰ ਥੀਏਟਰ 'ਚ ਗਤਕਾਂ ਦੀ ਪੇਸ਼ਕਾਰੀ ਦਿੰਦੇ ਮਾਰਸ਼ਲ ਆਰਟ ਦੇ ਕਲਾਕਾਰ | (ਸੱਜੇ) ਟੈਗੋਰ ਥੀਏਟਰ 'ਚ ਲੋਕ ਨਾਚ ਭੰਗੜੇ ਦੀ ਪੇਸ਼ਕਾਰੀ ਦਿੰਦੇ ਹੋਏ ਕਲਾਕਾਰ | ਤਸਵੀਰਾਂ : ਕਮਲਜੀਤ ਸਿੰਘ <br/> 29-04-2026
ਚੰਡੀਗੜ੍ਹ, 28 ਅਪ੍ਰੈਲ (ਅਜਾਇਬ ਸਿੰਘ ਔਜਲਾ)- 6ਵਾਂ ਟੀ.ਐਫ.ਟੀ ਵਿਸਾਖੀ ਥੀਏਟਰ ਫ਼ੈਸਟੀਵਲ 2026 ਦਾ ਅੱਜ ਟੈਗੋਰ ਥੀਏਟਰ ਵਿਖੇ ਆਗਾਜ਼ ਹੋਇਆ | ਇਹ ਪ੍ਰੋਗਰਾਮ ਚੰਡੀਗੜ• ਸੰਗੀਤ ਨਾਟਕ ਅਕਾਦਮੀ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ ਅਤੇ 30 ਅਪ੍ਰੈਲ ਤੱਕ ਜਾਰੀ ਰਹੇਗਾ | ਉਤਸਵ ਦੀ ਪਹਿਲੀ ਸ਼ਾਮ ਗੀਤ, ਸੰਗੀਤ ਅਤੇ ਨਾਚ ਨਾਲ ਭਰੀ ਹੋਈ ਸੀ | ਪ੍ਰੋਗਰਾਮ ਦੀ ਸ਼ੁਰੂਆਤ ਅੰਮਿ੍ਤ ਪਾਲ ਜੱਸਲ ਅਤੇ ਸੁਖਦੇਵ ਸਿੰਘ ਦੁਆਰਾ ਪੇਸ਼ ਕੀਤੇ ਗਏ ਧਾਰਮਿਕ ਗੀਤਾਂ ਨਾਲ ਹੋਈ | ਇਸ ਤੋਂ ਬਾਅਦ, ਐਸ.ਐਨ.ਏ ਅਵਾਰਡੀ ਗੁਰਪ੍ਰੀਤ ਸਿੰਘ ਖ਼ਾਲਸਾ ਦੀ ਟੀਮ ਨੇ ਸ਼ਾਨਦਾਰ ਗਤਕਾ ਮਾਰਸ਼ਲ ਆਰਟ ਦਾ ਪ੍ਰਦਰਸ਼ਨ ਕੀਤਾ | ਉਪਰੰਤ ਗੁਰਪ੍ਰੀਤ ਸਿੰਘ ਪਲਾਹਾ ਦੀ ਟੀਮ ਨੇ ਭੰਗੜੇ ਦੀ ਪੇਸ਼ਕਾਰੀ ਦਿੱਤੀ | ਇਸ ਪੇਸ਼ਕਾਰੀ ਦੀ ਖਾਸ ਗੱਲ ਇਹ ਸੀ ਕਿ ਸਾਰੇ ਕਲਾਕਾਰ ਸੁਣਨ ਅਤੇ ਬੋਲਣ ਤੋਂ ਅਸਮਰੱਥ ਵਿਦਿਆਰਥੀ ਸਨ, ਫਿਰ ਵੀ ਉਨ•ਾਂ ਦੀ ਊਰਜਾ ਅਤੇ ਪ੍ਰਦਰਸ਼ਨ ਬੇਮਿਸਾਲ ਸੀ | ਗੁਰਪ੍ਰੀਤ ਸਿੰਘ ਪਹਿਲਾਂ ਸੈਕਟਰ 26 ਦੇ ਬਲਾਇੰਡ ਇੰਸਟੀਚਿਊਟ ਵਿੱਚ ਵਿਦਿਆਰਥੀਆਂ ਨੂੰ ਇਸੇ ਤਰ•ਾਂ ਦਾ ਭੰਗੜਾ ਸਿਖਾ ਚੁੱਕੇ ਹਨ | ਅਨੁਰਾਗ ਅਰੋੜਾ ਨੇ ਭੰਗੜਾ ਸੋਲੋ ਪੇਸ਼ਕਾਰੀ ਦਿੱਤੀ | ਗੈਰੀ ਗਿੱਲ, ਸੁਖਦੇਵ ਅਤੇ ਅੰਮਿ੍ਤ ਪਾਲ ਜੱਸਲ ਨੇ ਪੰਜਾਬੀ ਲੋਕ ਗੀਤਾਂ ਨਾਲ ਵਧੀਆਂ ਮਾਹੌਲ ਨੂੰ ਸਿਰਜਿਆ | ਨਰਿੰਦਰ ਸਿੰਘ ਨੀਨਾ ਦੀ ਟੀਮ ਨੇ ਮਲਵਈ ਗਿੱਧਾ ਪੇਸ਼ ਕੀਤਾ | ਨੀਨਾ ਨੇ ਕਿਹਾ ਉਸਨੇ ਅਤੇ ਉਸਦੀ ਟੀਮ ਨੇ ਭਾਰਤ ਅਤੇ ਵਿਦੇਸ਼ਾਂ ਵਿਚ ਕਈ ਵਾਰ ਪ੍ਰਦਰਸ਼ਨ ਕੀਤਾ ਹੈ | ਮੈਂਡੀ ਅਤੇ ਗੈਰੀ ਨੇ ਫਿਰ ਆਪਣੇ ਭੰਡ-ਮਰਾਸੀਆ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਦਾ ਚੰਗਾ ਮਨੋਰੰਜਨ ਕੀਤਾ | ਮਨਦੀਪ ਸਿੰਘ ਅਤੇ ਅਨੁਰੀਤ ਨੇ ਪੰਜਾਬੀ ਲੋਕ ਸਾਜ਼ 'ਅਲਗੋਜ਼ਾ' ਦਾ ਮਨਮੋਹਕ ਪ੍ਰਦਰਸ਼ਨ ਕੀਤਾ | ਪ੍ਰੋਗਰਾਮ ਦੇ ਅੰਤ ਵਿੱਚ, ਗੁਰਪ੍ਰੀਤ ਦੀ ਟੀਮ ਨੇ 10 ਕੁੜੀਆਂ ਦੁਆਰਾ ਪੇਸ਼ ਕੀਤਾ ਗਿਆ 'ਲੁੱਡੀ' ਨਾਚ ਪੇਸ਼ ਕਰਕੇ ਖੂਬ ਰੌਣਕ ਲਾਈ |

ਪਿਛਲੀ ਖ਼ਬਰ ਮਨੁੱਖੀ ਤਸਕਰੀ ਖ਼ਿਲਾਫ਼ ਚੰਡੀਗੜ੍ਹ ਪੁਲਿਸ ਦੀ ਪ੍ਰੈੱਸ ਕਾਨਫਰੰਸ, ਬਹੁ-ਏਜੰਸੀ ਸਹਿਯੋਗ 'ਤੇ ਜ਼ੋਰ <br/> ਅਗਲੀ ਖ਼ਬਰ ਸਰਕਾਰੀ ਹਾਈ ਸਕੂਲ ਦੇ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।