ਚੰਡੀਗੜ੍ਹ, 25 ਜੁਲਾਈ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਸੀ. ਡੀ. ਓ. ਈ. ਦੀ ਡਾਇਰੈਕਟਰ ਪ੍ਰੋ. ਗੀਤਾ ਬਾਂਸਲ ਨੇ ਦਾਖਲਾ-ਕਮ-ਪ੍ਰਾਸਪੈਕਟਸ ਕਮੇਟੀ ਕਨਵੀਨਰ ਡਾ. ਰੀਨਾ ਚੌਧਰੀ ਦੀ ਅਗਵਾਈ ਹੇਠ ਅਕਾਦਮਿਕ ਸੈਸ਼ਨ 2026-27 ਲਈ ਵਿਦਿਆਰਥੀਆਂ ਨੂੰ ਦਾਖਲੇ ਨਾਲ ਸਬੰਧਤ ਸਵਾਲਾਂ ਵਿਚ ਸਹਾਇਤਾ ਕਰਨ ਲਈ ਇਕ ਆਨਲਾਈਨ ਹੈਲਪਡੈਸਕ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਹੈ। ਇਹ ਸੈਸ਼ਨ ਆਨਲਾਈਨ ਮੋਡ ਵਿਚ ਕਰਵਾਏ ਜਾਣਗੇ, ਜਿੱਥੇ ਵਿਭਾਗ ਵਿਦਿਆਰਥੀਆਂ ਨਾਲ ਗੱਲਬਾਤ ਕਰੇਗਾ ਅਤੇ ਉਨ੍ਹਾਂ ਦੇ ਸਵਾਲਾਂ ਦਾ ਜਵਾਬ ਅਸਲ ਸਮੇਂ ਵਿਚ ਦੇਵੇਗਾ। ਇਹ ਸਮਾਂ ਆਨਲਾਈਨ (ਗੂਗਲ ਮੀਟ) ’ਤੇ ਦੁਪਹਿਰ 3:00 ਵਜੇ ਤੋਂ 4:30 ਵਜੇ ਤੱਕ 20 ਜੁਲਾਈ ਤੋਂ 31 ਜੁਲਾਈ ਸ਼ਨਿਚਰਵਾਰ ਤੇ ਐਤਵਾਰ ਨੂੰ ਛੱਡ ਕੇ ਦਿੱਤਾ ਜਾਵੇਗਾ।
