ਗਿੱਦੜਬਾਹਾ, 28 ਮਾਰਚ (ਪਰਮਜੀਤ ਸਿੰਘ ਥੇੜ੍ਹੀ)-ਗਿੱਦੜਬਾਹਾ ਦੀ ਧਾਰਮਿਕ ਸੰਸਥਾ ਜੈ ਮਾਤਾ ਚਿੰਤਪੂਰਨੀ ਬੱਸ ਸੇਵਾ ਦਲ ਗਿੱਦੜਬਾਹਾ ਵਲੋਂ ਹਰ ਮਹੀਨੇ ਦੀ ਤਰ੍ਹਾਂ ਇਸ ਵਾਰ ਇਕ ਬੱਸ ਨੂੰ ਦਲ ਦੇ ਮੈਂਬਰ ਓਮ ਪ੍ਰਕਾਸ਼ ਸਿੰਗਲਾ ਤੇ ਰਿੰਕੂ ਬੁੱਟਰ ਦੀ ਅਗਵਾਈ ਵਿਚ ਸਥਾਨਕ ਬਰਫ ਵਾਲੀ ਗਲੀ ਤੋਂ ਮਾਤਾ ਚਿੰਤਪੂਰਨੀ ਦੇ ਦਰਸ਼ਨਾਂ ਲਈ ਰਵਾਨਾ ਕੀਤਾ ਗਿਆ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਪ੍ਰਕਾਸ਼ ਸਿੰਗਲਾ ਨੇ ਦੱਸਿਆ ਕਿ ਸੰਸਥਾ ਵਲੋਂ 112ਵੀਂ ਬੱਸ ਨੂੰ ਕੰਜਕ ਵਲੋਂ ਝੰਡੀ ਵਿਖਾ ਕੇ ਮਾਤਾ ਚਿੰਤਪੂਰਨੀ ਅਤੇ ਨਕੋਦਰ ਡੇਰੇ ਦੇ ਦਰਸ਼ਨਾਂ ਲਈ ਰਵਾਨਾ ਕੀਤਾ ਗਿਆ | ਉਕਤ ਬੱਸ ਵਿਚ ਲਗਪਗ 57 ਸ਼ਰਧਾਲੂਆਂ ਦਾ ਜਥਾ ਧਾਰਮਿਕ ਅਸਥਾਨਾਂ ਦੇ ਦਰਸ਼ਨਾਂ ਲਈ ਰਵਾਨਾ ਹੋਇਆ | ਉਨ੍ਹਾਂ ਦੱਸਿਆ ਕਿ ਵਾਪਸੀ ਸਮੇਂ ਬੱਸ ਨਕੋਦਰ ਡੇਰੇ ਦੇ ਦਰਸ਼ਨ ਕਰਵਾਉਂਦੀ ਹੋਈ ਵਾਪਸ ਗਿੱਦੜਬਾਹਾ ਪਹੁੰਚੇਗੀ |
