ਬਾਜਾਖਾਨਾ, 2 ਮਈ (ਜਗਦੀਪ ਸਿੰਘ ਗਿੱਲ)-ਸਥਾਨਕ ਗਰਾਮ ਪੰਚਾਇਤ ਬਾਜਾਖਾਨਾ ਦੀ ਗੰਦੇ ਪਾਣੀ ਦੀ ਨਿਕਾਸੀ ਵਾਲੀ ਮੋਟਰ ਚੋਰੀ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਮਿਲੀ ਜਾਣਕਾਰੀ ਮੁਤਾਬਿਕ ਉਕਤ ਮੋਟਰ ਗੁਰਦੁਆਰਾ ਰਾਮਸਰ ਸਾਹਿਬ ਨੇੜੇ ਬਣ ਛੱਪੜ ਦੇ ਕੰਢੇ ਲੱਗੀ ਹੋਈ ਸੀ ਜਿਸ ਨਾਲ ਸਮੁੱਚੇ ਕਸਬੇ ਦਾ ਗੰਦੇ ਪਾਣੀ ਨਿਕਾਸੀ ਲਈ ਛੱਪੜ ਵਿਚੋਂ ਕੱਢ ਕੇ ਡਰੇਨ ਵਿਚ ਪਾਉਣ ਲਈ ਵਰਤੋਂ ਵਿਚ ਲਿਆਦੀ ਜਾਂਦੀ ਸੀ | ਸਰਪੰਚ ਜਗਸੀਰ ਸਿੰਘ ਬਰਾੜ, ਸਰਪੰਚ ਰੇਸ਼ਮ ਸਿੰਘ ਬਰਾੜ ਅਤੇ ਗੁਰਵਿੰਦਰ ਸਿੰਘ ਬੂੱਬੂ ਢਿੱਲੋਂ ਨੇ ਦੱਸਿਆ ਕਿ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਕਤ ਮੋਟਰ ਨੂੰ ਚੋਰੀ ਕਰ ਲਿਆ ਹੈ ਅਤੇ ਇਸ ਸੰਬਧੀ ਪੁਲਿਸ ਥਾਣਾ ਬਾਜਾਖਾਨਾ ਵਿਖੇ ਮਾਮਲਾ ਦਰਜ ਕਰਵਾ ਦਿੱਤਾ ਗਿਆ ਹੈ |
