ਸ੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਦਿਹਾੜੇ ਸੰਬੰਧੀ ਪ੍ਰਾਚੀਨ ਸ੍ਰੀ ਸ਼ਿਵ ਸ਼ਨੀ ਮੰਦਰ ਪ੍ਰਬੰਧਕ ਕਮੇਟੀ ਦੀ ਹੋਈ ਅਹਿਮ ਮੀਟਿੰਗ
ਬਾਘਾ ਪੁਰਾਣਾ , 22 ਅਗਸਤ ( ਟਿੰਕੂ ਕਾਠਪਾਲ )- ਪ੍ਰਾਚੀਨ ਸ਼੍ਰੀ ਸ਼ਿਵ ਸ਼ਨੀ ਮੰਦਰ ਪ੍ਰਬੰਧਕ ਕਮੇਟੀ ( ਮਾਲ ਸਾਹਿਬ ) ਦੀ ਇਕ ਵਿਸ਼ੇਸ਼ ਮੀਟਿੰਗ ਪ੍ਰਧਾਨ ਰਾਜ ਕੁਮਾਰ ਗਰਗ ਦੀ ਯੋਗ ਅਗਵਾਈ ਹੇਠ ਸੰਪੰਨ ਹੋਈ । ਮੀਟਿੰਗ ਦੌਰਾਨ ਆਗਾਮੀ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ( ਸ਼੍ਰੀ ਕ੍ਰਿਸ਼ਨ ਭਗਵਾਨ ਜੀ ਦਾ ਅਵਤਾਰ ਦਿਹਾੜਾ ) ਦਾ ਪਵਿੱਤਰ ਤਿਉਹਾਰ 04 ਸਤੰਬਰ ਦਿਨ ਸ਼ੁੱਕਰਵਾਰ ਨੂੰ ਬੜੀ ਹੀ ਸ਼ਰਧਾ , ਉਤਸ਼ਾਹ ਅਤੇ ਧੂਮ - ਧਾਮ ਨਾਲ ਮਨਾਉਣ ਦਾ ਫ਼ੈਸਲਾ ਲਿਆ ਗਿਆ ।
ਬਾਘਾ ਪੁਰਾਣਾ , 22 ਅਗਸਤ ( ਟਿੰਕੂ ਕਾਠਪਾਲ )- ਪ੍ਰਾਚੀਨ ਸ਼੍ਰੀ ਸ਼ਿਵ ਸ਼ਨੀ ਮੰਦਰ ਪ੍ਰਬੰਧਕ ਕਮੇਟੀ ( ਮਾਲ ਸਾਹਿਬ ) ਦੀ ਇਕ ਵਿਸ਼ੇਸ਼ ਮੀਟਿੰਗ ਪ੍ਰਧਾਨ ਰਾਜ ਕੁਮਾਰ ਗਰਗ ਦੀ ਯੋਗ ਅਗਵਾਈ ਹੇਠ ਸੰਪੰਨ ਹੋਈ । ਮੀਟਿੰਗ ਦੌਰਾਨ ਆਗਾਮੀ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ( ਸ਼੍ਰੀ ਕ੍ਰਿਸ਼ਨ ਭਗਵਾਨ ਜੀ ਦਾ ਅਵਤਾਰ ਦਿਹਾੜਾ ) ਦਾ ਪਵਿੱਤਰ ਤਿਉਹਾਰ 04 ਸਤੰਬਰ ਦਿਨ ਸ਼ੁੱਕਰਵਾਰ ਨੂੰ ਬੜੀ ਹੀ ਸ਼ਰਧਾ , ਉਤਸ਼ਾਹ ਅਤੇ ਧੂਮ - ਧਾਮ ਨਾਲ ਮਨਾਉਣ ਦਾ ਫ਼ੈਸਲਾ ਲਿਆ ਗਿਆ । ਸਮਾਗਮ ਨੂੰ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਨ ਲਈ ਕਮੇਟੀ ਦੇ ਸਮੂਹ ਮੈਂਬਰਾਂ ਦੀਆਂ ਵੱਖ - ਵੱਖ ਡਿਊਟੀਆਂ ਲਗਾਈਆਂ ਗਈਆਂ । ਜਾਣਕਾਰੀ ਦਿੰਦਿਆਂ ਕਮੇਟੀ ਪ੍ਰਬੰਧਕਾਂ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮੁੱਖ ਤਿਉਹਾਰ ਤੋਂ 7 ਦਿਨ ਪਹਿਲਾਂ ‘ ਇਕ ਘਰ , ਇਕ ਸੰਕੀਰਤਨ ’ ਦੀ ਤਰਜ਼ ‘ ਤੇ ਰੋਜ਼ਾਨਾ ਭਗਵਾਨ ਬਾਂਕੇ ਬਿਹਾਰੀ ਜੀ ਦੇ ਨਾਮ ਦਾ ਮਹਿਮਾ ਗਾਇਨ ਕੀਤਾ ਜਾਵੇਗਾ । ਜਨਮ ਅਸ਼ਟਮੀ ਵਾਲੇ ਦਿਨ ਮੰਦਰ ਵਿਖੇ ਅਲੌਕਿਕ ਰੰਗ - ਬਰੰਗੀਆਂ ਲਾਈਟਾਂ , ਮਨਮੋਹਕ ਫੁੱਲਾਂ ਦੀ ਸਜਾਵਟ ਅਤੇ ਸੁੰਦਰ - ਸੁੰਦਰ ਝਾਕੀਆਂ ਵਿਸ਼ੇਸ਼ ਆਕਰਸ਼ਨ ਦਾ ਕੇਂਦਰ ਹੋਣਗੀਆਂ । ਪ੍ਰੋਗਰਾਮ ਰਾਤ 8:00 ਵਜੇ ਮਨਮੋਹਕ ਝਾਕੀਆਂ ਦੇ ਉਦਘਾਟਨ ਦੀ ਰਸਮ ਅਦਾ ਕੀਤੀ ਜਾਵੇਗੀ । ਰਾਤ 11:00 ਵਜੇ ਬਾਂਕੇ ਬਿਹਾਰੀ ਜੀ ਅਤੇ ਰਾਧਾ ਰਾਣੀ ਜੀ ਦੇ ਨਾਮ ਦਾ ਅਲੌਕਿਕ ਸੰਕੀਰਤਨ ਪ੍ਰਾਰੰਭ ਹੋਵੇਗਾ । ਰਾਤ 12:00 ਵਜੇ ਮਹਾ ਆਰਤੀ ਤੋਂ ਬਾਅਦ ਕੇਕ ਪ੍ਰਸ਼ਾਦ ਵੰਡਿਆਂ ਜਾਵੇਗਾ ਅਤੇ ਭਗਵਾਨ ਜੀ ਨੂੰ ਛਪਣ ਭੋਗ ਲਗਾਇਆ ਜਾਵੇਗਾ । ਕਮੇਟੀ ਵਲੋਂ ਸਮੂਹ ਸੰਗਤਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਇਸ ਸ਼ੁੱਭ ਦਿਹਾੜੇ ‘ ਤੇ ਪਰਿਵਾਰਾਂ ਸਮੇਤ ਹਾਜ਼ਰੀ ਭਰ ਕੇ ਸ਼੍ਰੀ ਕ੍ਰਿਸ਼ਨ ਭਗਵਾਨ ਜੀ ਦੇ ਦਰਸ਼ਨ ਕਰਨ , ਝੂਲਾ ਝੁਲਾਉਣ ਅਤੇ ਸੁੰਦਰ ਝਾਕੀਆਂ ਦਾ ਅਨੰਦ ਮਾਣ ਕੇ ਪੁੰਨ ਦੇ ਭਾਗੀ ਬਣਨ ਮੀਟਿੰਗ ਦੌਰਾਨ ਪ੍ਰਧਾਨ ਰਾਜ ਕੁਮਾਰ ਗਰਗ ਤੋਂ ਇਲਾਵਾ ਯੋਗੇਸ਼ ਬਾਂਸਲ ( ਯੋਗੀ ), ਦੀਪਕ ਬਾਂਸਲ ( ਰੇਲੂ ), ਮੁਨੀਸ਼ ਗਰਗ ( ਟੀਨੀ ), ਗਗਨ ਗੋਇਲ , ਲਵਪ੍ਰੀਤ ਸਿੰਘ ( ਲਵ ), ਸਾਹਿਲ ਗਰਗ , ਜਸਵੀਰ ਕੁਮਾਰ ( ਸ਼ੇਰੀ ), ਰੋਹਿਤ ਬਾਂਸਲ , ਜੋਨੀ ਗਰਗ , ਵਿੱਕੀ ਗਰਗ , ਰਾਹੁਲ ਖੱਤਰੀ , ਕੇਵਲ ਕੁਮਾਰ ( ਬਿੱਟਾ ), ਸੁਰਿੰਦਰ ਕੁਮਾਰ ( ਛਿੰਦੂ ), ਸੁਮੀਤ ਸਾਹਿਲ ਚੰਚਲ , ਜਤਿਨ ਅਰੋੜਾ , ਦਿਪਾਂਸੂ ਗਾਂਧੀ , ਜਸ਼ਨ ਝੰਜੀ , ਪੰਡਤ ਕਾਕੂ ਸ਼ਰਮਾ ਅਤੇ ਨਵ ਅਰੋੜਾ ਆਦਿ ਵਿਸ਼ੇਸ਼ ਤੌਰ ‘ ਤੇ ਮੌਜੂਦ ਸਨ ।
