ਮੋਗਾ, 10 ਮਈ (ਸੁਰਿੰਦਰਪਾਲ ਸਿੰਘ)-ਸਥਾਨਕ ਵਾਲਮੀਕ ਕਾਲੋਨੀ ਦੇ ਨੌਜਵਾਨ 23 ਮਈ ਨੂੰ ਮਾਂ ਭਗਵਤੀ ਦੇ ਸਨਮਾਨ ਵਿਚ ਚੌਥਾ ਸਾਲਾਨਾ ਵਿਸ਼ਾਲ ਜਾਗਰਣ ਬਹੁਤ ਸ਼ਰਧਾ ਅਤੇ ਉਤਸ਼ਾਹ ਨਾਲ ਆਯੋਜਿਤ ਕਰ ਰਹੇ ਹਨ | ਅੱਜ ਭਾਰਤੀ ਵਾਲਮੀਕ ਧਰਮ ਸਮਾਜ (ਭਾਵਾਧਸ) ਦੇ ਪ੍ਰਧਾਨ ਨਰੇਸ਼ ਬੋਹਤ ਨੇ ਰਸਮੀ ਤੌਰ 'ਤੇ ਰਾਜੇਸ਼ ਅਰੋੜਾ ਅਨਮੋਲ ਵੈਲਫੇਅਰ ਕਲੱਬ ਦੇ ਪ੍ਰਧਾਨ ਨੂੰ ਜੋਗਿੰਦਰ ਜਿੰਦਲ ਅਤੇ ਗੌਰਵ ਜਿੰਦਲ ਦੇ ਨਾਲ ਜਾਗਰਣ ਲਈ ਸੱਦਾ ਪੱਤਰ ਭੇਟ ਕੀਤਾ | ਇਸ ਮੌਕੇ ਨਰੇਸ਼ ਬੋਹਤ ਨੇ ਕਿਹਾ ਕਿ ਜਾਗਰਣ ਦੌਰਾਨ ਲੁਧਿਆਣਾ ਤੋਂ ਪ੍ਰਸਿੱਧ ਭਜਨ ਗਾਇਕ ਜੱਗੀ ਗਿੱਲ ਅਤੇ ਮੋਗਾ ਤੋਂ ਹਰਸ਼ ਸ਼ਰਮਾ ਆਪਣੀਆਂ ਸੁਰੀਲੀਆਂ ਆਵਾਜ਼ਾਂ ਰਾਹੀਂ ਮਾਂ ਭਗਵਤੀ ਦੀ ਮਹਿਮਾ ਦਾ ਗੁਣਗਾਨ ਕਰਨਗੇ | ਇਸ ਸਮਾਗਮ ਵਿਚ ਸੰਨੀ ਜੈਕਸਨ, ਦੀਪਕ, ਮੋਹਿਤ, ਅਰੁਣ, ਸੁਖਦੇਵ, ਸ਼ੰਮੀ, ਅਜੇ, ਦੀਪਕ ਬੋਹਤ ਅਤੇ ਹੋਰ ਮੌਜੂਦ ਸਨ |
