ਬਠਿੰਡਾ, 29 ਮਈ (ਅਵਤਾਰ ਸਿੰਘ ਕੈਂਥ)-ਸਥਾਨਕ ਸ਼ਹਿਰ ਦੇ ਸਮਾਜ ਭਲਾਈ ਸੰਸਥਾ ਸਹਾਰਾ ਜਨ ਸੇਵਾ ਦੀ ਹੈਲਪਲਾਈਨ ਟੀਮ ਵਲੋਂ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ 'ਚ ਗਰਮੀ ਤੋਂ ਪ੍ਰਭਾਵਿਤ ਵਿਅਕਤੀਆਂ ਨੂੰ ਸਰਕਾਰੀ ਹਸਪਤਾਲ ਦੇ ਐਮਰਜੈਂਸੀ ਵਾਰਡ ਵਿਚ ਦਾਖ਼ਲ ਕਰਵਾਇਆ | ਸਹਾਰਾ ਵਰਕਰ ਰਾਜਿੰਦਰ ਕੁਮਾਰ ਨੇ ਦੱਸਿਆ ਕਿ ਇਕ ਵਿਅਕਤੀ ਗੰਭੀਰ ਹਾਲਤ 'ਚ ਲੁਧਿਆਣਾ ਤੋਂ ਮੁੱਖ ਦਫ਼ਤਰ ਪਹੁੰਚਿਆ ਜੋ ਆਪਣਾ ਇਲਾਜ ਕਰਵਾਉਣ ਆਇਆ, ਉੱਥੇ ਕਿਤੇ ਵੀ ਇਲਾਜ ਨਹੀਂ ਹੋਇਆ, ਉਹ ਸਹਾਰਾ ਦਾ ਨਾਂਅ ਸੁਣ ਕੇ ਬਠਿੰਡਾ ਆਇਆ ਸੀ | ਇਕ ਹੋਰ ਘਟਨਾ ਵਿਚ, ਰਾਮਬਾਗ ਰੋਡ ਦੀ ਇਕ ਲੜਕੀ ਦੀ ਗਰਮੀ ਕਾਰਨ ਹਾਲਤ ਗੰਭੀਰ ਹੋ ਗਈ ਅਤੇ ਇਕ ਹੋਰ ਘਟਨਾ ਵਿਚ ਭੱਟੀ ਰੋਡ 'ਤੇ ਇਕ ਨਿੱਜੀ ਹਸਪਤਾਲ ਦੀ ਗਲੀ 'ਚ ਇਕ ਅÏਰਤ ਗਰਮੀ ਕਾਰਨ ਬੇਹੋਸ਼ ਹੋ ਗਈ ਸੀ | ਸਹਾਰਾ ਜਨ ਸੇਵਾ ਦੀਆਂ ਬਚਾਅ ਟੀਮਾਂ ਗਰਮੀ ਤੋਂ ਰਾਹਤ ਦੇਣ ਲਈ ਲਗਾਤਾਰ ਕੰਮ ਕਰ ਰਹੀਆਂ ਹਨ |
