ਖੰਨਾ, 10 ਜੂਨ (ਹਰਜਿੰਦਰ ਸਿੰਘ ਲਾਲ)-ਖੰਨਾ ਵਿਖੇ ਸਰਬ ਸੇਵਾ ਸੋਸਾਇਟੀ ਵਲੋਂ ਲੋੜਵੰਦ ਬੱਚਿਆਂ ਨੂੰ ਜੋ ਮੈਡੀਕਲ, ਪੈਰਾ ਮੈਡੀਕਲ, ਟੈਕਨੀਕਲ ਅਤੇ ਕਿਸੇ ਵਿਸ਼ੇਸ਼ ਪੜ੍ਹਾਈ ਲਈ ਕਾਲਜ ਜਾਂ ਯੂਨੀਵਰਸਿਟੀ 'ਚ ਦਾਖਲ ਹੋਣ ਤੋਂ ਵਾਂਝੇ ਰਹਿ ਜਾਂਦੇ ਹਨ, ਵਾਸਤੇ ਪੂਰੀ ਟਿਊਸ਼ਨ ਫ਼ੀਸ ਮੁਆਫ਼ ਕਰਨ ਦਾ ਉਪਰਾਲਾ ਕੀਤਾ ਗਿਆ ਹੈ ਅਤੇ ਸਰਬ ਸੇਵਾ ਸੋਸਾਇਟੀ ਵੱਲੋਂ ਖੰਨਾ ਅਤੇ ਨਾਲ ਲਗਦੇ ਪਿੰਡਾਂ ਅਤੇ ਸ਼ਹਿਰਾਂ ਦੇ ਨਵੇਂ ਸਮੈਸਟਰਾਂ ਵਿਚ ਦਾਖਲਾ ਲੈਣ ਵੀ ਸਹਾਇਤਾ ਕਾਰਵਾਈ ਜਾਵੇਗੀ | ਐਨ. ਜੀ. ਓ. ਦੇ ਇਸ ਉਪਰਾਲੇ ਨਾਲ ਓ. ਬੀ. ਸੀ, ਬੀ. ਸੀ. ਅਤੇ ਜਰਨਲ ਕੈਟਾਗਰੀਜ਼ ਦੇ ਵਿਦਿਆਰਥੀਆਂ ਨੂੰ ਬਹੁਤ ਵੱਡਾ ਲਾਭ ਹੋਵੇਗਾ | ਇਸ ਮੌਕੇ ਸੁਖਵਿੰਦਰ ਸੁੱਖੀ ਵੱਲੋਂ ਐਨ. ਜੀ. ਓਜ਼ ਵੱਲੋਂ ਕਰਵਾਏ ਜਾ ਰਹੇ ਸਕਾਲਰਸ਼ਿਪ ਪ੍ਰੋਗਰਾਮ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਕਿੱਟਾਂ ਸੋਹਨ ਵਰਮਾ ਨੂੰ ਸੌਂਪੀਆਂ ਗਈਆਂ | ਇਸ ਮੌਕੇ ਵਿਕਰਮ ਸਿੰਘ ਮੀਤ ਪ੍ਰਧਾਨ, ਗੁਰਵਿੰਦਰ ਸਿੰਘ ਐਚ. ਆਰ. ਡਿਪਾਰਟਮੈਂਟ, ਜਸ਼ਨਪ੍ਰੀਤ ਸਿੰਘ ਸੇਵਾਦਾਰ ਅਤੇ ਮੈਟਰੋ ਪਲੇਸਮੈਂਟ ਤੋਂ ਸੋਹਨ ਵਰਮਾ ਅਤੇ ਸਟਾਫ ਹਾਜ਼ਰ ਸਨ |
