ਬਰਨਾਲਾ, 5 ਮਾਰਚ (ਅਸ਼ੋਕ ਭਾਰਤੀ)-ਪੀ.ਆਰ.ਟੀ.ਸੀ. ਰਿਟਾਇਰਮੈਂਟ ਭਾਈਚਾਰਾ ਯੂਨੀਅਨ ਏਟਕ ਬਰਨਾਲਾ ਦੀ ਮੀਟਿੰਗ ਹਰੀ ਸਿੰਘ ਟੱਲੇਵਾਲ ਦੀ ਪ੍ਰਧਾਨਗੀ ਹੇਠ ਹੋਈ | ਮੀਟਿੰਗ ਦੌਰਾਨ ਪ੍ਰਧਾਨ ਸੁਖਦੇਵ ਸਿੰਘ, ਸੀਨੀਅਰ ਮੀਤ ਪ੍ਰਧਾਨ ਕੁਲਵੰਤ ਸਿੰਘ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਪੀ.ਆਰ.ਟੀ.ਸੀ. ਦੇ ਫ਼ਰੀ ਸਫ਼ਰ ਦੇ ਬਣਦੇ 650 ਕਰੋੜ ਰੁਪਏ ਤੁਰੰਤ ਦਿੱਤੇ ਜਾਣ, ਪੀ.ਆਰ.ਟੀ.ਸੀ. ਦੀਆਂ ਆਪਣੀ ਮਲਕੀਅਤ ਦੀਆਂ 500 ਬੱਸਾਂ ਤੁਰੰਤ ਪਾਈਆਂ ਜਾਣ | ਆਗੂਆਂ ਕਿਹਾ ਕਿ ਸਰਕਾਰ ਨੇ ਆਪਣੇ ਚਾਰ ਸਾਲ ਦੇ ਕਾਰਜਕਾਲ ਦੌਰਾਨ ਕੋਈ ਵੀ ਨਹੀਂ ਬੱਸ ਨਹੀਂ ਪਾਈ, ਇਕ ਵੀ ਕੱਚਾ ਮੁਲਾਜ਼ਮ ਪੱਕਾ ਨਹੀਂ ਕੀਤਾ | ਆਗੂਆਂ ਨੇ ਪੀ.ਆਰ.ਟੀ.ਸੀ. ਵਿਚ ਕਿੱਲੋਮੀਟਰ ਸਕੀਮ ਦੀਆਂ ਬੱਸਾਂ ਪਾਉਣ ਦੀ ਨਿਖੇਧੀ ਕੀਤੀ | ਇਸ ਮੌਕੇ ਆਤਮਾ ਸਿੰਘ, ਜਸਮੇਲ ਸਿੰਘ, ਹਰਨੇਕ ਸਿੰਘ, ਬਿੱਕਰ ਸਿੰਘ, ਮੁਕੰਦ ਸਿੰਘ ਆਦਿ ਹਾਜ਼ਰ ਸਨ |
