ਪ੍ਰੋਸਟੈਟ ਕੈਂਸਰ ਨੂੰ ਵਧਾਉਣ ਤੋਂ ਰੋਕਦਾ ਹੈ ਓਮੇਗਾ-3 ਐਸਿਡ

ਹਰ ਸਾਲ ਸੰਸਾਰ ਵਿਚ ਪ੍ਰੋਸਟੈਟ ਕੈਂਸਰ ਦੇ ਰੋਗੀਆਂ ਦੀ ਗਿਣਤੀ ਲਗਭਗ 500,000 ਵਧ ਜਾਂਦੀ ਹੈ, ਇਹ ਕਹਿਣਾ ਹੈ ਫ਼ਰਾਂਸ ਦੇ ਮਾਹਰਾਂ ਦਾ। ਪ੍ਰੋਸਟੈਟ ਕੈਂਸਰ ਦੇ ਫੈਲਾਅ ਨੂੰ ਰੋਕਣ ਲਈ ਮਾਹਰਾਂ ਨੇ ਆਪਣੀ ਇਕ ਖੋਜ ਵਿਚ ਪਾਇਆ ਕਿ ਓਮੇਗਾ-3 ਫੈਟੀ ਐਸਿਡ ਕੈਂਸਰ ਸੈੱਲਾਂ ਨੂੰ ਫੈਲਣ ਨੂੰ ਰੋਕਦਾ ਹੈ। ਇੰਗਲੈਂਡ ਦੇ ਮਾਹਰਾਂ ਅਨੁਸਾਰ ਓਮੇਗਾ-3 ਫੈਟੀ ਐਸਿਡ ਵਨਸਪਤੀ ਤੇਲ, ਨਟਸ, ਬੀਜਾਂ ਤੇ ਮੱਛੀ ਵਿਚ ਪਾਇਆ ਜਾਂਦਾ ਹੈ।
ਪ੍ਰੋਸਟੈਟ ਕੈਂਸਰ ਇਲਾਜ ਯੋਗ ਹੈ ਜੇਕਰ ਇਸ ਦਾ ਪਤਾ ਛੇਤੀ ਲਗ ਜਾਵੇ। ਮਾਹਰਾਂ ਅਨੁਸਾਰ ਡਾਈਟ ਪ੍ਰੋਸਟੈਟ ਕੈਂਸਰ ਵਿਚ ਕੀ ਭੂਮਿਕਾ ਨਿਭਾਉਂਦੀ ਹੈ, ਇਸ ਬਾਰੇ ਸਪੱਸ਼ਟਤਾ ਨਹੀਂ ਤੇ ਇਸ ਲਈ ਹਾਲੇ ਹੋਰ ਖੋਜ ਦੀ ਜ਼ਰੂਰਤ ਹੈ ਪਰ ਮਾਹਿਰਾਂ ਦੀ ਸਲਾਹ ਹੈ ਕਿ ਫਾਈਬਰ ਵਾਲੇ ਭੋਜਨ, ਫਲ, ਸਬਜ਼ੀਆਂ ਦੀ ਵਰਤੋਂ ਕਰਨਾ ਤੇ ਮਾਸਾਹਾਰੀ ਭੋਜਨ ਖ਼ਾਸ ਕਰਕੇ ਮੀਟ ਦੀ ਵਰਤੋਂ ਨਾ ਕਰਨੀ ਕੈਂਸਰ ਦੀ ਸੰਭਾਵਨਾ ਨੂੰ ਘੱਟ ਕਰਨ ਵਿਚ ਸਹਾਇਕ ਹੈ।