ਨਵੀਂ ਦਿੱਲੀ, 28 ਅਪ੍ਰੈਲ (ਪੀ.ਟੀ.ਆਈ.)-2018 ਏਸ਼ੀਆਈ ਖੇਡਾਂ ਵਿਚ 4ਗੁਣਾ400 ਮੀਟਰ ਰਿਲੇਅ ਵਿਚ ਸੋਨ ਤਗਮਾ ਜਿੱਤਣ ਵਾਲੀ ਭਾਰਤੀ ਦੌੜਾਕ ਵੀ.ਕੇ. ਵਿਸਮਾਇਆ ਨੂੰ ਰਾਸ਼ਟਰੀ ਡੋਪਿੰਗ ਵਿਰੋਧੀ ਏਜੰਸੀ (ਨਾਡਾ) ਦੇ ਡੋਪਿੰਗ ਵਿਰੋਧੀ ਅਨੁਸ਼ਾਸਨੀ ਪੈਨਲ ਵਲੋਂ 2 ਸਾਲ ਦੀ ਮੁਅੱਤਲੀ ਦਿੱਤੀ ਗਈ ਹੈ, ਜੋ ਕਿ ਇਕ ਪਾਬੰਦੀਸ਼ੁਦਾ ਪਦਾਰਥ ਦਾ ਸੇਵਨ ਕਰਨ ਦਾ ਦੋਸ਼ੀ ਪਾਏ ਜਾਣ ਤੋਂ ਲਗਭਗ 2 ਸਾਲ ਬਾਅਦ ਹੈ | ਵਿਸਮਾਇਆ 2018 ਜਕਾਰਤਾ ਏਸ਼ੀਆਈ ਖੇਡਾਂ 'ਚ ਸੋਨ ਤਗਮਾ ਜਿੱਤਣ ਵਾਲੀ ਭਾਰਤੀ ਮਹਿਲਾ ਰਿਲੇਅ ਟੀਮ ਦੀ ਮੈਂਬਰ ਸੀ | 2024 ਵਿਚ ਉਸਦੇ ਨਮੂਨੇ ਦੇ ਪਾਬੰਦੀਸ਼ੁਦਾ ਪਦਾਰਥ ਕਲੋਮੀਫੇਨ ਲਈ ਸਕਾਰਾਤਮਕ ਟੈਸਟ ਕੀਤੇ ਜਾਣ ਤੋਂ ਬਾਅਦ ਉਸਨੂੰ ਅਸਥਾਈ ਤÏਰ 'ਤੇ ਮੁਅੱਤਲ ਕਰ ਦਿੱਤਾ ਗਿਆ ਸੀ | ਇਹ ਪਦਾਰਥ ਹਾਰਮੋਨ ਤੇ ਮੈਟਾਬੋਲਿਕ ਮਾਡਿਊਲੇਟਰਾਂ ਦੀ ਸ਼੍ਰੇਣੀ 'ਚ ਆਉਂਦਾ ਹੈ ਅਤੇ ਹਰ ਸਮੇਂ ਐਥਲੀਟਾਂ ਲਈ ਵਰਜਿਤ ਹੈ | ਇਸੇ ਤਰ੍ਹਾਂ ਦÏੜਾਕ ਐਨ. ਸ਼ਨਮੁਗਾ ਸ਼੍ਰੀਨਿਵਾਸ 'ਤੇ ਨਮੂਨਾ ਦੇਣ ਤੋਂ ਬਚਣ, ਇਨਕਾਰ ਕਰਨ ਜਾਂ ਨਮੂਨਾ ਦੇਣ 'ਚ ਅਸਫਲ ਰਹਿਣ ਦੇ ਦੋਸ਼ਾਂ ਤਹਿਤ 6 ਫਰਵਰੀ, 2025 ਤੋਂ ਚਾਰ ਸਾਲ ਦੀ ਪਾਬੰਦੀ ਲਗਾਈ ਗਈ ਹੈ | ਰਿਪੋਰਟਾਂ ਦੇ ਅਨੁਸਾਰ, ਸ਼੍ਰੀਨਿਵਾਸ ਸਾਬਕਾ ਜੂਨੀਅਰ ਰਾਸ਼ਟਰੀ ਐਥਲੈਟਿਕਸ ਕੋਚ ਐਨ. ਰਮੇਸ਼ ਨਾਲ ਜੁੜੇ 2 ਐਥਲੀਟਾਂ ਵਿਚੋਂ ਇਕ ਸੀ | ਰਮੇਸ਼ ਨੇ ਹੈਦਰਾਬਾਦ ਵਿਚ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ ਦੇ ਸੈਂਟਰ ਵਿਚ ਡੋਪ ਟੈਸਟ ਤੋਂ ਬਚਣ ਦੀ ਮਦਦ ਕੀਤੀ ਸੀ | ਰਮੇਸ਼ ਨੂੰ ਸ਼ੁਰੂ ਵਿੱਚ ਅਸਥਾਈ ਮੁਅੱਤਲੀ ਹੇਠ ਰੱਖਿਆ ਗਿਆ ਸੀ, ਪਰ 'ਨਾਡਾ' ਦੇ ਅਪੀਲ ਪੈਨਲ ਨੇ ਪਿਛਲੇ ਮਹੀਨੇ ਉਸਦੀ ਮੁਅੱਤਲੀ ਹਟਾ ਦਿੱਤੀ |
ਵਿਸਮਾਇਆ ਤੇ ਸ਼੍ਰੀਨਿਵਾਸ 'ਤੇ 'ਨਾਡਾ' ਦੇ ਅਨੁਸ਼ਾਸਨੀ ਪੈਨਲ ਵਲੋਂ ਲਗਾਈ ਗਈ ਪਾਬੰਦੀ <br/>
ਅਜੀਤ ਡੈਸਕ
29-04-2026