ਪੀ.ਵੀ. ਸਿੰਧੂ ਥਾਈਲੈਂਡ ਓਪਨ ਤੋਂ ਬਾਹਰ

ਬੈਂਕਾਕ, 15 ਮਈ (ਪੀ.ਟੀ.ਆਈ.)-ਭਾਰਤੀ ਬੈਡਮਿੰਟਨ ਸਟਾਰ ਪੀ.ਵੀ. ਸਿੰਧੂ ਇੱਥੇ ਥਾਈਲੈਂਡ ਓਪਨ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ | ਉਹ ਇਕ ਗੇਮ ਦੀ ਬੜ੍ਹਤ ਰੱਖਣ ਦੇ ਬਾਵਜੂਦ ਕੁਆਰਟਰ ਫਾਈਨਲ 'ਚ ਜਾਪਾਨ ਦੀ ਚੋਟੀ ਦੀ ਦਰਜਾ ਪ੍ਰਾਪਤ ਅਕਾਨੇ ਯਾਮਾਗੁਚੀ ਤੋਂ ਹਾਰ ਗਈ | ਸੁਪਰ 500 ਟੂਰਨਾਮੈਂਟ ਵਿਚ ਇਕ ਘੰਟੇ ਤੋਂ ਵੱਧ ਚੱਲੇ ਮਹਿਲਾ ਸਿੰਗਲਜ਼ ਕੁਆਰਟਰ ਫਾਈਨਲ ਮੈਚ 'ਚ, ਜਿਸ 'ਚ 500,000 ਪਾਉਂਡ ਦਾ ਇਨਾਮੀ ਪਰਸ ਹੈ, ਸਿੰਧੂ ਦੁਨੀਆ ਦੀ ਤੀਜੇ ਨੰਬਰ ਦੀ ਯਾਮਾਗੁਚੀ ਤੋਂ 21-19, 18-21, 15-21 ਨਾਲ ਹਾਰ ਗਈ | ਦੋ ਵਾਰ ਦੀ ਓਲੰਪਿਕ ਤਗਮਾ ਜੇਤੂ ਤੇ ਟੂਰਨਾਮੈਂਟ ਦੀ ਛੇਵੀਂ ਦਰਜਾ ਪ੍ਰਾਪਤ ਸਿੰਧੂ ਵੀਰਵਾਰ ਨੂੰ ਡੈਨਮਾਰਕ ਦੀ ਅਮਾਲੀ ਸ਼ੁਲਜ਼ ਨੂੰ 21-13, 21-15 ਨਾਲ ਹਰਾ ਕੇ ਕੁਆਰਟਰ ਫਾਈਨਲ 'ਚ ਪਹੁੰਚੀ ਸੀ |