ਲੈਸਟਰ (ਇੰਗਲੈਂਡ), 11 ਮਈ (ਸੁਖਜਿੰਦਰ ਸਿੰਘ ਢੱਡੇ)-ਹੰਤਾਵਾਇਰਸ ਦੇ ਫੈਲਾਅ ਨਾਲ ਪ੍ਰਭਾਵਿਤ ਕਰੂਜ਼ ਜਹਾਜ਼ ਐਮ.ਵੀ. ਹੋਂਡੀਅਸ ਤੋਂ ਵਾਪਸ ਲਿਆਂਦੇ ਗਏ 20 ਬਰਤਾਨਵੀ ਨਾਗਰਿਕਾਂ ਨੂੰ ਮਰਸੀਸਾਈਡ ਦੇ ਐਰੋ ਪਾਰਕ ਹਸਪਤਾਲ ਵਿਚ ਇਕਾਂਤਵਾਸ ਕੀਤਾ ਗਿਆ ਹੈ | ਇਹ ਯਾਤਰੀ ਐਤਵਾਰ ਰਾਤ ਟੈਨਰੀਫ਼ ਤੋਂ ਵਿਸ਼ੇਸ਼ ਉਡਾਣ ਰਾਹੀਂ ਮੈਨਚੈਸਟਰ ਹਵਾਈ ਅੱਡੇ ਪਹੁੰਚੇ, ਜਿੱਥੋਂ ਉਨ੍ਹਾਂ ਨੂੰ ਸਖ਼ਤ ਸੁਰੱਖਿਆ ਇੰਤਜ਼ਾਮਾਂ ਹੇਠ ਕੋਚਾਂ ਰਾਹੀਂ ਹਸਪਤਾਲ ਲਿਜਾਇਆ ਗਿਆ | ਯੂ.ਕੇ. ਹੈਲਥ ਸਕਿਊਰਿਟੀ ਏਜੰਸੀ (ਯੂ.ਕੇ.ਐਚ.ਐਸ.ਏ.) ਦੇ ਮੁੱਖ ਵਿਗਿਆਨਕ ਅਧਿਕਾਰੀ ਪ੍ਰੋਫੈਸਰ ਰੋਬਿਨ ਮੇ ਨੇ ਦੱਸਿਆ ਕਿ ਸਾਰੇ ਯਾਤਰੀ ਇਸ ਵੇਲੇ ਤੰਦਰੁਸਤ ਅਤੇ ਬਿਨਾਂ ਲੱਛਣਾਂ ਵਾਲੇ ਹਨ¢ ਉਨ੍ਹਾਂ ਕਿਹਾ ਕਿ ਯਾਤਰੀ ਪਹਿਲਾਂ 72 ਘੰਟੇ ਹਸਪਤਾਲ ਵਿਚ ਰਹਿਣਗੇ ਅਤੇ ਉਸ ਤੋਂ ਬਾਅਦ 42 ਦਿਨ ਆਪਣੇ ਘਰਾਂ ਵਿੱਚ ਇਕਾਂਤਵਾਸ ਕਰਨਗੇ¢ ਹਾਲਾਤ ਦੇ ਅਨੁਸਾਰ ਇਕਾਂਤਵਾਸ ਦੀ ਮਿਆਦ ਵਿੱਚ ਤਬਦੀਲੀ ਵੀ ਕੀਤੀ ਜਾ ਸਕਦੀ ਹੈ | ਹਸਪਤਾਲ ਪ੍ਰਬੰਧਕਾਂ ਮੁਤਾਬਕ ਯਾਤਰੀਆਂ ਨੂੰ ਸਵੈ-ਨਿਰਭਰ ਫਲੈਟਾਂ ਵਿੱਚ ਰੱਖਿਆ ਗਿਆ ਹੈ, ਜਿੱਥੇ ਫੋਨ ਅਤੇ ਹੋਰ ਜ਼ਰੂਰੀ ਸਹੂਲਤਾਂ ਉਪਲਬਧ ਕਰਵਾਈਆਂ ਗਈਆਂ ਹਨ¢ ਵਿਸ਼ੇਸ਼ ਮੈਡੀਕਲ ਟੀਮ ਉਨ੍ਹਾਂ ਦੀ ਲਗਾਤਾਰ ਜਾਂਚ ਅਤੇ ਮਾਨਸਿਕ ਸਹਾਇਤਾ ਲਈ ਤਾਇਨਾਤ ਹੈ¢ ਜੇਕਰ ਕਿਸੇ ਵਿੱਚ ਲੱਛਣ ਨਜ਼ਰ ਆਉਂਦੇ ਹਨ ਤਾਂ ਉਸ ਨੂੰ ਰਾਇਲ ਲਿਵਰਪੂਲ ਯੂਨੀਵਰਸਿਟੀ ਹਸਪਤਾਲ ਦੇ ਟ੍ਰਾਪਿਕਲ ਅਤੇ ਸੰਕਰਾਮਕ ਰੋਗ ਵਿਭਾਗ ਵਿੱਚ ਭੇਜਿਆ ਜਾਵੇਗਾ¢ ਹੰਤਾਵਾਇਰਸ ਦੇ ਇਸ ਪ੍ਰਕੋਪ ਕਾਰਨ ਹੁਣ ਤੱਕ ਤਿੰਨ ਲੋਕਾਂ ਦੀ ਮÏਤ ਹੋ ਚੁੱਕੀ ਹੈ, ਜਿਨਾਂ ਵਿੱਚੋਂ ਦੋ ਵਿੱਚ ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ ਨੇ ਵਾਇਰਸ ਦੀ ਪੁਸ਼ਟੀ ਕੀਤੀ ਹੈ¢ ਦੋ ਬਰਤਾਨਵੀ ਨਾਗਰਿਕਾਂ ਸਮੇਤ ਕਈ ਹੋਰ ਯਾਤਰੀਆਂ ਵਿੱਚ ਵੀ ਵਾਇਰਸ ਮਿਲਿਆ ਹੈ¢ ਅਮਰੀਕਾ ਅਤੇ ਫਰਾਂਸ ਵਾਪਸ ਗਏ ਦੋ ਯਾਤਰੀਆਂ ਵਿੱਚ ਵੀ ਸੰਕਰਮਣ ਦੀ ਪੁਸ਼ਟੀ ਹੋਈ ਹੈ¢ ਵਾਇਰਸ ਦੀ ਇਹ ਕਿਸਮ ਐਂਡੀਜ਼ ਸਟ੍ਰੇਨ ਦੱਸੀ ਜਾ ਰਹੀ ਹੈ, ਜੋ ਵਿਅਕਤੀ ਤੋਂ ਵਿਅਕਤੀ ਵਿੱਚ ਫੈਲ ਸਕਦੀ ਹੈ¢ ਇਹ ਵਾਇਰਸ ਆਮ ਤÏਰ 'ਤੇ ਚੂਹਿਆਂ ਅਤੇ ਹੋਰ ਰੋਡੈਂਟ ਜਾਨਵਰਾਂ ਰਾਹੀਂ ਫੈਲਦਾ ਹੈ¢ ਸਿਹਤ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਆਮ ਲੋਕਾਂ ਲਈ ਖ਼ਤਰਾ ਬਹੁਤ ਘੱਟ ਹੈ ਅਤੇ ਹਸਪਤਾਲ ਪੂਰੀ ਤਾਂ ਆਮ ਢੰਗ ਨਾਲ ਕੰਮ ਕਰ ਰਿਹਾ ਹੈ | ਇਸ ਕਰੂਜ਼ ਜਹਾਜ਼ ਨੇ 1 ਅਪ੍ਰੈਲ ਨੂੰ ਅਰਜਨਟੀਨਾ ਦੇ ਉਸ਼ੁਆਇਆ ਤੋਂ ਯਾਤਰਾ ਸ਼ੁਰੂ ਕੀਤੀ ਸੀ ਅਤੇ ਇਸ 'ਚ 28 ਦੇਸ਼ਾਂ ਦੇ ਕਰੀਬ 150 ਯਾਤਰੀ ਅਤੇ ਕਰਮਚਾਰੀ ਸਵਾਰ ਸਨ¢ ਯਾਤਰਾ ਦÏਰਾਨ ਪਹਿਲੀ ਮÏਤ 11 ਅਪ੍ਰੈਲ ਨੂੰ ਹੋਈ ਸੀ¢ ਜਹਾਜ਼ ਹੁਣ ਨੀਦਰਲੈਂਡ ਦੇ ਰÏਟਰਡੈਮ ਲਿਜਾਇਆ ਜਾਵੇਗਾ, ਜਿੱਥੇ ਇਸ ਦੀ ਪੂਰੀ ਤਰ੍ਹਾਂ ਡਿਸਇੰਫੈਕਸ਼ਨ ਕੀਤੀ ਜਾਵੇਗੀ¢ ਇਸ ਦÏਰਾਨ ਟਿ੍ਸਟਨ ਡਾ ਕੁੰਹਾ ਟਾਪੂ 'ਤੇ ਇਕ ਬਰਤਾਨਵੀ ਵਿਅਕਤੀ ਵਿੱਚ ਵੀ ਸੰਭਾਵਿਤ ਸੰਕਰਮਣ ਮਿਲਿਆ ਹੈ¢ ਉਸ ਦੀ ਮਦਦ ਲਈ ਬਰਤਾਨਵੀ ਫÏਜ ਦੇ ਪੈਰਾਟਰੂਪਰ ਅਤੇ ਮੈਡੀਕਲ ਮਾਹਿਰ ਟਾਪੂ 'ਤੇ ਭੇਜੇ ਗਏ ਹਨ¢
