21-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 15-02-2026

ਜ਼ਿਲ੍ਹਾ ਜਲੰਧਰ ਦੇ 490 ਸਕੂਲਾਂ 'ਚ ਵੰਡੇ ਜਾਣਗੇ 3 ਹਜ਼ਾਰ ਫੁੱਟਬਾਲ ਜਵਾਹਰ ਨਵੋਦਿਆ ਵਿਦਿਆਲਿਆ ਤਲਵੰਡੀ ਮਾਧੋ ਵਿਖੇ 'ਫੁੱਟਬਾਲ ਫਾਰ ਸਕੂਲ' ਮੁਹਿੰਮ ਦੀ ਸ਼ੁਰੂਆਤ <br/>

'ਫੁੱਟਬਾਲ ਫਾਰ ਸਕੂਲ' ਮੁਹਿੰਮ ਦੀ ਸ਼ੁਰੂਆਤ ਕਰਦੇ ਸਰਪੰਚ ਅਮਰੀਕ ਸਿੰਘ ਸੰਧੂ, ਪਿ੍ੰਸੀਪਲ ਅਰੁਣ ਕੁਮਾਰ, ਪੀ.ਈ.ਟੀ. ਵਿਨੇ ਕੁਮਾਰ ਧਨੋਰੀਆ, ਪੀ.ਈ.ਟੀ. ਸਾਬਿਆ ਸਿੱਧੂ ਤੇ ਹੋਰ | ਤਸਵੀਰ- ਸੁਖਦੀਪ ਸਿੰਘ <br/> 15-02-2026
ਮਲਸੀਆਂ, 14 ਫਰਵਰੀ (ਸੁਖਦੀਪ ਸਿੰਘ)- ਭਾਰਤ 'ਚ 'ਫੀਫਾ' ਤੇ 'ਯੂਨੈਸਕੋ' ਦੇ ਸਾਂਝੇ ਉੱਦਮ ਸਦਕਾ ਸਿੱਖਿਆ ਮੰਤਰਾਲਾ ਭਾਰਤ ਸਰਕਾਰ ਦੇ ਸਹਿਯੋਗ ਨਾਲ ਸ਼ੁਰੂ ਕੀਤੀ ਮੁਹਿੰਮ 'ਫੁੱਟਬਾਲ ਫਾਰ ਸਕੂਲ' (ਐਫ.4 ਐਸ.) ਤਹਿਤ ਜ਼ਿਲ੍ਹਾ ਜਲੰਧਰ ਦੇ ਸਕੂਲਾਂ 'ਚ ਫੁੱਟਬਾਲ ਵੰਡਣ ਦੀ ਜ਼ਿੰਮੇਵਾਰੀ ਪੀ.ਐਮ. ਸ੍ਰੀ ਸਕੂਲ ਜਵਾਹਰ ਨਵੋਦਿਆ ਵਿਦਿਆਲਿਆ, ਤਲਵੰਡੀ ਮਾਧੋ (ਜਲੰਧਰ) ਨੂੰ ਦਿੱਤੀ ਗਈ ਹੈ | ਇਸ ਮੁਹਿੰਮ ਦੀ ਸ਼ੁਰੂਆਤ ਮੌਕੇ ਜਵਾਹਰ ਨਵੋਦਿਆ ਵਿਦਿਆਲਿਆ 'ਚ ਪਿ੍ੰਸੀਪਲ ਅਰੁਣ ਕੁਮਾਰ ਦੀ ਅਗਵਾਈ ਤੇ ਪੀ.ਈ.ਟੀ. ਵਿਨੇ ਕੁਮਾਰ ਧਨੋਰੀਆ ਤੇ ਪੀ.ਈ.ਟੀ. ਸਾਬਿਆ ਸਿੱਧੂ ਦੀ ਦੇਖ-ਰੇਖ ਹੇਠ ਕਰਵਾਏ ਸਮਾਗਮ ਦੌਰਾਨ ਤਲਵੰਡੀ ਮਾਧੋ ਦੇ ਸਰਪੰਚ ਅਮਰੀਕ ਸਿੰਘ ਸੰਧੂ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਸਮਾਗਮ ਦੌਰਾਨ ਸਕੂਲਾਂ ਦੇ ਅਧਿਆਪਕ ਵੀ ਸ਼ਾਮਲ ਹੋਏ | ਪਿ੍ੰਸੀਪਲ ਅਰੁਣ ਕੁਮਾਰ ਨੇ ਮਹਿਮਾਨਾਂ ਨੂੰ ਜੀ ਆਇਆਂ ਆਖਿਆ | ਇਸ ਮੌਕੇ ਸਰਪੰਚ ਅਮਰੀਕ ਸਿੰਘ ਸੰਧੂ ਅਤੇ ਪਿ੍ੰਸੀਪਲ ਅਰੁਣ ਕੁਮਾਰ ਨੇ 'ਫੁੱਟਬਾਲ ਫਾਰ ਸਕੂਲ' ਮੁਹਿੰਮ 'ਚ ਭਾਗ ਲੈਣ ਮੌਕੇ ਸਕੂਲਾਂ ਦੇ ਅਧਿਆਪਕਾਂ ਨੂੰ ਫੁੱਟਬਾਲ ਦਿੱਤੇ | ਪੀ.ਈ.ਟੀ. ਵਿਨੇ ਕੁਮਾਰ ਧਨੋਰੀਆ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ 490 ਸਕੂਲਾਂ 'ਚ 3 ਹਜ਼ਾਰ ਫੁੱਟਬਾਲ ਵੰਡੇ ਜਾਣਗੇ | ਮੁੱਖ ਮਹਿਮਾਨ ਸਰਪੰਚ ਅਮਰੀਕ ਸਿੰਘ ਸੰਧੂ ਨੇ ਸਕੂਲ ਪ੍ਰਬੰਧਕਾਂ, ਅਧਿਆਪਕਾਂ ਤੇ ਖਿਡਾਰੀਆਂ ਨੂੰ ਸ਼ੁੱਭਕਾਮਨਾਵਾਂ ਦਿੰਦਿਆਂ ਜਵਾਹਰ ਨਵੋਦਿਆ ਵਿਦਿਆਲਿਆ ਦੇ ਸੁਹਿਰਦ ਯਤਨਾਂ ਲਈ ਧੰਨਵਾਦ ਕੀਤਾ |

ਪਿਛਲੀ ਖ਼ਬਰ ਮਾਤਾ ਆਸ਼ਾ ਰਾਣੀ ਤੇ ਉਨ੍ਹਾਂ ਦੇ ਪੁੱਤਰ ਪ੍ਰਵੀਨ ਪੁਰੀ ਨੂੰ ਸ਼ਰਧਾਂਜਲੀਆਂ ਭੇਟ <br/> ਅਗਲੀ ਖ਼ਬਰ ਗੁਰੂ ਨਾਨਕ ਖਾਲਸਾ ਗਰਲਜ਼ ਕਾਲਜ ਸੰਗ ਢੇਸੀਆਂ ਵਿਖੇ ਸਾਲਾਨਾ ਮੇਲਾ ਕਰਵਾਇਆ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।