ਭੁਲੱਥ, 10 ਜੁਲਾਈ (ਮਨਜੀਤ ਸਿੰਘ ਰਤਨ)-ਸ਼ਿਸ਼ੂ ਮਾਡਲ ਸਕੂਲ ਦੀ ਵਿਦਿਆਰਥਣ ਤਮੰਨਾ ਨੂੰ 10+2 ਸੀ. ਬੀ ਐਸ ਈ. ਬੋਰਡ ਦੇ ਸਾਲਾਨਾ ਨਤੀਜੇ ਵਿਚੋਂ 96.60 ਅੰਕ ਹਾਸਿਲ ਕਰਨ ਤੇ ਡਾ ਰਾਜ ਕੁਮਾਰ ਚੱਬੇਵਾਲ ਮੈਂਬਰ ਪਾਰਲੀਮੈਂਟ ਵੱਲੋਂ ਸਨਮਾਨਿਤ ਕੀਤਾ ਗਿਆ | ਵਿਦਿਆਰਥਣ ਤਮੰਨਾ ਨੇ ਸ਼ਿਸ਼ੂ ਮਾਡਲ ਸਕੂਲ ਭੁਲੱਥ ਤੋਂ ਆਪਣੀ 10+2 ਤੱਕ ਦੀ ਪੜਾਈ ਕਾਮਰਸ ਸਟਰੀਟ ਵਿਚ ਪੂਰੀ ਕੀਤੀ ਹੈ | ਉਨ੍ਹਾਂ ਨਾਲ ਅਵਾਰਡ ਪ੍ਰਾਪਤ ਕਰਨ ਵੇਲੇ ਅਨੀਤਾ ਵਾਈਸ ਪਿ੍ੰਸੀਪਲ ਵੀ ਹਾਜ਼ਰ ਸਨ | ਇਸ ਮੌਕੇ ਤੇ ਪਿ੍ੰਸੀਪਲ ਡਾ ਸੁਨੀਲ ਸ਼ਰਮਾ ਨੇ ਤਮੰਨਾ ਦੇ ਪਰਿਵਾਰ ਅਤੇ ਸਕੂਲ ਦੇ ਸਟਾਫ਼ ਨੂੰ ਵਧਾਈ ਦਿੱਤੀ ਅਤੇ ਭਵਿੱਖ ਵਿਚ ਹੋਰ ਅੱਗੇ ਵਧਣ ਦੀ ਪ੍ਰੇਰਨਾ ਦਿੱਤੀ |
