ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਵੋਂਗ ਦੀ ਅਗਵਾਈ ਵਾਲੀ ਪੀਪਲਜ਼ ਐਕਸ਼ਨ ਪਾਰਟੀ ਨੇ ਲਗਾਤਾਰ 14ਵੀਂ ਆਮ ਚੋਣ ਜਿੱਤੀ

ਸਿੰਗਾਪੁਰ ਸਿਟੀ (ਸਿੰਗਾਪੁਰ), 4 ਮਈ - ਸਿੰਗਾਪੁਰ ਦੀ ਲੰਬੇ ਸਮੇਂ ਤੋਂ ਸੱਤਾਧਾਰੀ ਪੀਪਲਜ਼ ਐਕਸ਼ਨ ਪਾਰਟੀ (ਪੀਏਪੀ) ਨੇ ਆਮ ਚੋਣਾਂ ਵਿਚ ਫੈਸਲਾਕੁੰਨ ਜਿੱਤ ਪ੍ਰਾਪਤ ਕੀਤੀ, ਜਿਸ ਨਾਲ ਲਗਾਤਾਰ 14ਵਾਂ ਫਤਵਾ ਮਿਲਿਆ। ਨਿਊਜ਼ ਏਜੰਸੀ ਦੀ ਰਿਪੋਰਟ ਅਨੁਸਾਰ 1959 ਤੋਂ ਸੱਤਾ ਵਿਚ ਰਹੀ ਇਸ ਪਾਰਟੀ ਨੇ 2020 ਦੇ ਆਪਣੇ ਪ੍ਰਦਰਸ਼ਨ ਵਿਚ ਕਾਫ਼ੀ ਸੁਧਾਰ ਕੀਤਾ, 97 ਸੰਸਦੀ ਸੀਟਾਂ ਵਿਚੋਂ 87 ਜਿੱਤੀਆਂ ਅਤੇ ਲੋਕਪ੍ਰਿਯ ਵੋਟ ਦਾ ਆਪਣਾ ਹਿੱਸਾ 65.6 ਪ੍ਰਤੀਸ਼ਤ ਤੱਕ ਵਧਾ ਦਿੱਤਾ, ਜੋ ਕਿ ਪਿਛਲੀਆਂ ਚੋਣਾਂ ਵਿੱਚ 61.2 ਪ੍ਰਤੀਸ਼ਤ ਸੀ।