ਅਮਰੀਕਾ ਦੇ ਮਿਸ਼ੀਗਨ ਵਾਲਮਾਰਟ ਸਟੋਰ 'ਤੇ ਚਾਕੂ ਨਾਲ ਹਮਲਾ, 11 ਜ਼ਖ਼ਮੀਂ

ਟ੍ਰੈਵਰਸ ਸਿਟੀ , 27 ਜੁਲਾਈ - ਅਮਰੀਕਾ ਦੇ ਮਿਸ਼ੀਗਨ ਦੇ ਟ੍ਰੈਵਰਸ ਸਿਟੀ ਵਿਚ ਇੱਕ ਵਾਲਮਾਰਟ ਸਟੋਰ ਵਿਚ ਚਾਕੂ ਨਾਲ ਹਮਲਾ ਕਰਨ ਦੀ ਘਟਨਾ ਸਾਹਮਣੇ ਆਈ ਹੈ। ਸ਼ਨੀਵਾਰ ਨੂੰ ਅਚਾਨਕ ਵਾਪਰੀ ਇਸ ਦੁਖਦਾਈ ਘਟਨਾ ਵਿਚ ਘੱਟੋ-ਘੱਟ 11 ਲੋਕਾਂ 'ਤੇ ਚਾਕੂਆਂ ਨਾਲ ਹਮਲਾ ਕੀਤਾ ਗਿਆ, ਜਿਨ੍ਹਾਂ ਵਿਚੋਂ 6 ਦੀ ਹਾਲਤ ਗੰਭੀਰ ਹੈ। ਪੁਲਿਸ ਨੇ ਕਿਹਾ ਕਿ ਇਹ ਅਚਾਨਕ ਵਾਪਰੀ ਘਟਨਾ ਜਾਪਦੀ ਹੈ, ਇਸ ਮਾਮਲੇ ਵਿਚ ਇਕ ਸ਼ੱਕੀ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ।

36 ਸਾਲਾ ਟਿਫਨੀ ਡੀਫਲ, ਜੋ ਟ੍ਰੈਵਰਸ ਸਿਟੀ ਤੋਂ ਲਗਭਗ 25 ਮੀਲ ਦੂਰ ਆਨਰ ਵਿਚ ਰਹਿੰਦੀ ਹੈ, ਨੇ ਕਿਹਾ ਕਿ ਉਹ ਪਾਰਕਿੰਗ ਵਿਚ ਸੀ ਜਦੋਂ ਉਸ ਨੇ ਆਪਣੇ ਆਲੇ ਦੁਆਲੇ ਹੰਗਾਮਾ ਦੇਖਿਆ। "ਇਹ ਸੱਚਮੁੱਚ ਡਰਾਉਣਾ ਸੀ। ਮੈਂ ਡਰ ਗਈ ਸੀ। ਇਹ ਕੁਝ ਅਜਿਹਾ ਹੈ ਜੋ ਤੁਸੀਂ ਫਿਲਮਾਂ ਵਿਚ ਦੇਖਦੇ ਹੋ। ਤੁਸੀਂ ਜਿੱਥੇ ਰਹਿੰਦੇ ਹੋ ਉੱਥੇ ਇਸ ਦੀ ਉਮੀਦ ਨਹੀਂ ਕਰਦੇ।"