ਐਤਵਾਰ ਨੂੰ ਫੁੱਟਬਾਲ ਆਈਕਨ ਦੇ ਦੌਰੇ ਤੋਂ ਪਹਿਲਾਂ ਮੁੰਬਈ 'ਚ ਲਿਓਨਲ ਮੈਸੀ ਦੀ ਗ੍ਰੈਫਿਟੀ ਦਾ ਉਦਘਾਟਨ

ਮੁੰਬਈ, 13 ਦਸੰਬਰ - ਅਰਜਨਟੀਨਾ ਦੇ ਫੁੱਟਬਾਲ ਆਈਕਨ ਲਿਓਨਲ ਮੈਸੀ ਦੀ ਗ੍ਰੈਫਿਟੀ ਦਾ ਉਦਘਾਟਨ ਉਨ੍ਹਾਂ ਦੇ 'ਇੰਡੀਆ ਟੂਰ' 2025 ਦੇ ਹਿੱਸੇ ਵਜੋਂ ਮੁੰਬਈ ਦੇ ਦੌਰੇ ਤੋਂ ਪਹਿਲਾਂ ਇਕ ਇਮਾਰਤ 'ਤੇ ਕੀਤਾ ਗਿਆ।ਕੋਲਕਾਤਾ ਅਤੇ ਹੈਦਰਾਬਾਦ ਦੇ ਦੌਰਿਆਂ ਤੋਂ ਬਾਅਦ, ਫੁੱਟਬਾਲ ਦਿੱਗਜ ਐਤਵਾਰ ਨੂੰ ਮੁੰਬਈ ਆਉਣ ਵਾਲੇ ਹਨ। ਸੋਮਵਾਰ ਨੂੰ ਦਿੱਲੀ ਮੈਸੀ ਦੇ ਦੌਰੇ ਦਾ ਆਖਰੀ ਪੜਾਅ ਹੋਵੇਗਾ।
ਸਤੰਬਰ ਵਿਚ, ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ 2011 ਤੋਂ ਬਾਅਦ ਪਹਿਲੀ ਵਾਰ ਮੈਸੀ ਦੇ ਭਾਰਤ ਦੌਰੇ ਦੀ ਪੁਸ਼ਟੀ ਕੀਤੀ। ਆਪਣੀ ਆਖਰੀ ਫੇਰੀ ਦੌਰਾਨ, ਉਨ੍ਹਾਂ ਨੇ ਕੋਲਕਾਤਾ ਵਿਚ ਵੈਨੇਜ਼ੁਏਲਾ ਦੇ ਖ਼ਿਲਾਫ਼ ਆਪਣੀ ਅਰਜਨਟੀਨਾ ਟੀਮ ਨਾਲ ਇਕ ਦੋਸਤਾਨਾ ਮੈਚ ਖੇਡਿਆ।ਭਾਰਤ ਵਿਚ ਉਨ੍ਹਾਂ ਦੇ ਸਮੇਂ ਦੌਰਾਨ, ਮਹਾਰਾਸ਼ਟਰ ਖੇਡ ਵਿਭਾਗ ਦੁਆਰਾ ਰਾਜ ਭਰ ਦੇ ਅੰਡਰ-14 ਨੌਜਵਾਨ ਫੁੱਟਬਾਲ ਖਿਡਾਰੀਆਂ ਦੀ ਚੋਣ ਕੀਤੀ ਜਾਵੇਗੀ, ਅਤੇ ਉਨ੍ਹਾਂ ਨੂੰ 14 ਦਸੰਬਰ ਨੂੰ ਮੈਸੀ ਨਾਲ ਅਭਿਆਸ ਕਰਨ ਦਾ ਮੌਕਾ ਮਿਲੇਗਾ।