ਵਿਧਾਇਕ ਸੁੱਖੀ ਦੇ ਭਾਸ਼ਣ ਦੌਰਾਨ ਵਿਧਾਨ ਸਭਾ ’ਚ ਹੰਗਾਮਾ

ਚੰਡੀਗੜ੍ਹ, 30 ਦਸੰਬਰ- ਜਿਵੇਂ ਹੀ ਵਿਧਾਨ ਸਭਾ ਵਿਚ ਵਿਧਾਇਕ ਡਾ. ਸੁਖਵਿੰਦਰ ਕੁਮਾਰ ਸੁੱਖੀ ਨੇ ਬੋਲਣਾ ਸ਼ੁਰੂ ਕੀਤਾ, ਕਾਂਗਰਸ ਪਾਰਟੀ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਉਹ ਕਿਸ ਪਾਰਟੀ ਨਾਲ ਸੰਬੰਧਿਤ ਹਨ। ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਮੰਗ ਕੀਤੀ ਕਿ ਉਹ ਸਪੱਸ਼ਟ ਕਰਨ ਕਿ ਉਹ ਕਿਸ ਪਾਰਟੀ ਨਾਲ ਸੰਬੰਧ ਰੱਖਦੇ ਹਨ। ਡਿਪਟੀ ਸਪੀਕਰ ਨੇ ਜਵਾਬ ਦਿੱਤਾ ਕਿ ਕੀ ਪਾਰਟੀ ਮਹੱਤਵਪੂਰਨ ਹੈ ਜਾਂ ਮੁੱਦਾ ਮਹੱਤਵਪੂਰਨ? ਤੁਸੀਂ (ਬਾਜਵਾ) ਪਹਿਲਾਂ ਸੈਸ਼ਨ ਨੂੰ ਸਮੇਂ ਦੀ ਬਰਬਾਦੀ ਕਹਿੰਦੇ ਹੋ। ਇਹ ਸਮਝਿਆ ਜਾਂਦਾ ਹੈ ਕਿ ਤੁਸੀਂ ਸੈਸ਼ਨ ਵਿਚ ਗਰੀਬਾਂ 'ਤੇ ਚਰਚਾ ਨਹੀਂ ਹੋਣ ਦਿੰਦੇ। ਯਾਦ ਰੱਖੋ, ਉਹ ਅਕਾਲੀ ਦਲ ਛੱਡ ਕੇ ਆਮ ਆਦਮੀ ਪਾਰਟੀ ਵਿਚ ਸ਼ਾਮਿਲ ਹੋ ਗਏ ਸਨ। ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਬਾਅਦ ਵਿਚ ਤੁਸੀਂ ਇਸ ਵਿਚ ਵਿਰੋਧੀ ਪਾਰਟੀਆਂ ਦਾ ਸਮਾਂ ਵੀ ਸ਼ਾਮਿਲ ਕਰੋਗੇ। ਇਸ ਤੋਂ ਬਾਅਦ ਇਜਲਾਸ ਵਿਚ ਨਾਲ ਬਹਿਸ ਛਿੜ ਗਈ।

ਅਮਨ ਅਰੋੜਾ ਨੇ ਜਵਾਬ ਦਿੰਦੇ ਹੋਏ ਕਿਹਾ ਕਿ ਮੈਂ ਆਮ ਆਦਮੀ ਪਾਰਟੀ ਦਾ ਮੁਖੀ ਹਾਂ। ਉਨ੍ਹਾਂ ਅੱਗੇ ਕਿਹਾ ਕਿ ਸੰਦੀਪ ਜਾਖੜ ਦਾ ਕਾਂਗਰਸ ਵਿਚ ਜੋ ਰੁਤਬਾ ਹੈ, ਸੁੱਖੀ ਸਾਹਿਬ ਦਾ ਦਾ ਵੀ ਉਹ ਹੀ ਰੁਤਬਾ ਹੈ। ਅਰੋੜਾ ਨੇ ਕਿਹਾ ਕਿ ਅੱਜ ਬਾਜਵਾ ਸਾਹਿਬ ਕਾਂਗਰਸ ਨਾਲੋਂ ਭਾਜਪਾ ਵੱਲ ਜ਼ਿਆਦਾ ਝੁਕਾਅ ਰੱਖਦੇ ਜਾਪਦੇ ਹਨ।