ਲੋਹੀਆਂ ਬਿਜਲੀ ਦਫ਼ਤਰ ਅੱਗੇ ਲਗਾਇਆ ਗਿਆ ਧਰਨਾ

ਲੋਹੀਆਂ ਖਾਸ, 19 ਜੂਨ (ਗੁਰਪਾਲ ਸਿੰਘ ਸਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)- ਲੋਹੀਆਂ ਬਿਜਲੀ ਦਫ਼ਤਰ ਅੱਗੇ ਧਰਨਾ ਲਗਾਇਆ ਗਿਆ। ਨੈਸ਼ਨਲ ਹਾਈਵੇ 703 ਜਾਮ ਕੀਤਾ ਗਿਆ ਅਤੇ 24 ਘੰਟੇ ਵਾਲੀ ਸਪਲਾਈ ਨੂੰ ਲਗਾਤਾਰ ਕੱਟ ਲੱਗਾ। ਧਰਨਾ ਤੇ ਬੈਠੇ ਲੋਕਾਂ ਨੇ ਕਿਹਾ ਕਿ ਪਿਛਲੇ ਦਿਨਾਂ ਤੋਂ ਗਰਮੀ ਵਿਚ ਲੋਕ ਅਤੇ ਪਸ਼ੂ ਪਿਆਸੇ ਮਰ ਰਹੇ ਹਨ।

ਬਿਜਲੀ ਵਿਭਾਗ ਦੀਆਂ ਮਨਮਰਜ਼ੀਆਂ ਤੋਂ ਕਿਸਾਨ ਅਤੇ ਆਮ ਘਰਾਂ ਦੇ ਲੋਕ ਤੰਗ ਪ੍ਰੇਸ਼ਾਨ ਹੋ ਗਏ ਹਨ। ਉਨ੍ਹਾਂ ਕਿਹਾ ਕਿ ਬਿਜਲੀ ਵਿਭਾਗ ਦੀ ਅਣਗਿਹਲੀ ਕਾਰਨ ਪਿਛਲੇ ਦਿਨੀਂ ਇਕ ਨੌਜਵਾਨ ਦੀ ਮੌਤ ਹੋਈ ਸੀ।