ਅਲਜੀਰੀਆ-ਆਸਟਰੀਆ ਡਰਾਅ ਨਾਲ ਨਾਕਆਊਟ ’ਚ ਪਹੁੰਚੀਆਂ
ਨਿਊਯਾਰਕ, 28 ਜੂਨ (ਰਾਜੂ ਸਹਿਬਾਜ਼ਪੁਰਾ)-ਫੀਫਾ ਵਿਸ਼ਵ ਕੱਪ 2026 ਦੇ ਗਰੁੱਪ ‘ਜੇ’ ਦੇ ਆਖ਼ਰੀ ਮੁਕਾਬਲੇ ਵਿਚ ਅਲਜੀਰੀਆ ਤੇ ਆਸਟਰੀਆ ਵਿਚਕਾਰ ਖੇਡਿਆ ਗਿਆ ਮੈਚ 3-3 ਦੀ ਬਰਾਬਰੀ ’ਤੇ ਸਮਾਪਤ ਹੋਇਆ। ਮੈਚ ਦੀ ਸ਼ੁਰੂਆਤ ਤੋਂ ਹੀ ਦੋਵੇਂ ਟੀਮਾਂ ਹਮਲਾਵਰ ਅੰਦਾਜ਼ ’ਚ ਨਜ਼ਰ ਆਈਆਂ। 11ਵੇਂ ਮਿੰਟ ’ਚ ਆਸਟਰੀਆ ਦੇ ਮਾਰਕੋ ਅਰਨਾਟੋਵਿਚ ਨੂੰ ਫਾਊਲ ਲਈ ਮੈਚ ਦਾ ਪਹਿਲਾ ਪੀਲਾ ਕਾਰਡ ਮਿਲਿਆ। 28ਵੇਂ ਮਿੰਟ ਵਿੱਚ ਆਸਟਰੀਆ ਨੇ ਪਹਿਲਾ ਗੋਲ ਕਰਕੇ ਮੈਚ ’ਚ ਬੜ੍ਹਤ ਬਣਾਈ। ਮਾਰਕੋ ਅਰਨਾਟੋਵਿਚ ਨੇ ਗੋਲ ਕਰਕੇ ਸਕੋਰ 1-0 ਕਰ ਦਿੱਤਾ। ਇਸ ਤੋਂ ਬਾਅਦ ਅਲਜੀਰੀਆ ਨੇ ਦਬਾਅ ਵਧਾਇਆ ਤੇ ਪਹਿਲੇ ਹਾਫ਼ ਦੇ ਅਖੀਰ ਵਿੱਚ ਰਫ਼ੀਕ ਬੈਲਘਾਲੀ ਨੇ ਸ਼ਾਨਦਾਰ ਗੋਲ ਕਰਕੇ ਸਕੋਰ 1-1 ਨਾਲ ਬਰਾਬਰ ਕਰ ਦਿੱਤਾ। ਦੂਜੇ ਅੱਧ ’ਚ 55ਵੇਂ ਮਿੰਟ ’ਚ ਮਾਰਸੇਲ ਸਾਬਿਤਜ਼ਰ ਨੇ ਕੋਨਰਾਡ ਲਾਈਮਰ ਦੀ ਮਦਦ ਨਾਲ ਬਾਕਸ ਤੋਂ ਬਾਹਰੋਂ ਸ਼ਾਨਦਾਰ ਸ਼ਾਟ ਲਗਾ ਕੇ ਆਸਟਰੀਆ ਨੂੰ 2-1 ਨਾਲ ਅੱਗੇ ਕਰ ਦਿੱਤਾ। ਪਰ ਅਲਜੀਰੀਆ ਨੇ ਹਾਰ ਨਹੀਂ ਮੰਨੀ ਤੇ ਕੇਵਲ ਪੰਜ ਮਿੰਟ ਬਾਅਦ ਕਪਤਾਨ ਰਿਆਦ ਮਹਰੇਜ਼ ਨੇ ਹੁਸਾਮ ਆਉਆਰ ਦੇ ਪਾਸ ’ਤੇ ਗੋਲ ਕਰਕੇ ਸਕੋਰ 2-2 ਕਰ ਦਿੱਤਾ। ਮੈਚ ਦੇ ਆਖ਼ਰੀ ਹਿੱਸੇ ਵਿੱਚ ਦੋਵੇਂ ਟੀਮਾਂ ਕੁਝ ਸੰਭਲ ਕੇ ਖੇਡਦੀਆਂ ਦਿਖਾਈ ਦਿੱਤੀਆਂ ਪਰ ਇੰਜਰੀ ਟਾਈਮ ’ਚ ਰੋਮਾਂਚ ਮੁੜ ਚਰਮ ’ਤੇ ਪਹੁੰਚ ਗਿਆ। 90+3ਵੇਂ ਮਿੰਟ ’ਚ ਰਿਆਦ ਮਹਰੇਜ਼ ਨੇ ਆਪਣਾ ਦੂਜਾ ਗੋਲ ਕਰਦਿਆਂ ਅਲਜੀਰੀਆ ਨੂੰ 3-2 ਨਾਲ ਅੱਗੇ ਕਰ ਦਿੱਤਾ ਤੇ ਲੱਗ ਰਿਹਾ ਸੀ ਕਿ ਅਲਜੀਰੀਆ ਗਰੁੱਪ ’ਚ ਦੂਜੇ ਸਥਾਨ ’ਤੇ ਕਬਜ਼ਾ ਕਰ ਲਵੇਗਾ।
ਹਾਲਾਂਕਿ ਆਸਟਰੀਆ ਨੇ ਆਖ਼ਰੀ ਪਲਾਂ ’ਚ ਹਿੰਮਤ ਨਹੀਂ ਹਾਰੀ। 90+6ਵੇਂ ਮਿੰਟ ਵਿਚ ਸਾਸਾ ਕਲਾਜ਼ਦਿਚ ਨੇ ਹੈਡਰ ਰਾਹੀਂ ਗੋਲ ਕਰਕੇ ਮੈਚ 3-3 ਨਾਲ ਬਰਾਬਰ ਕਰ ਦਿੱਤਾ। ਇਹ ਗੋਲ ਆਸਟਰੀਆ ਲਈ ਬਹੁਤ ਮਹੱਤਵਪੂਰਨ ਸਾਬਤ ਹੋਇਆ, ਕਿਉਂਕਿ ਇਸ ਨਾਲ ਟੀਮ ਨੇ ਗਰੁੱਪ ‘ਜੇ’ ’ਚ ਦੂਜਾ ਸਥਾਨ ਹਾਸਲ ਕਰ ਲਿਆ। ਇਸ ਨਤੀਜੇ ਨਾਲ ਦੋਵੇਂ ਟੀਮਾਂ ਨਾਕਆਉਟ ’ਚ ਪੁੱਜ ਗਈਆਂ।
;
;
;
;
;
;
;
;
;
;
;
;
;
;
;
;
;
;
;
;
;
;
;
