ਪੰਜਾਬ ਦੇ 43 ਟੋਲ ਪਲਾਜ਼ਿਆਂ 'ਤੇ ਅੱਜ ਕਿਸਾਨਾਂ ਦਾ ਵੱਡਾ ਪ੍ਰਦਰਸ਼ਨ

ਚੰਡੀਗੜ੍ਹ, 15 ਜੁਲਾਈ- ਜਗਜੀਤ ਸਿੰਘ ਡੱਲੇਵਾਲ ਦੀ ਅਗਵਾਈ ਹੇਠ ਸੰਯੁਕਤ ਕਿਸਾਨ ਮੋਰਚਾ (ਗੈਰ-ਰਾਜਨੀਤਿਕ) ਅੱਜ ਪੰਜਾਬ ਭਰ ਦੇ 43 ਟੋਲ ਪਲਾਜ਼ਿਆਂ 'ਤੇ ਵਿਰੋਧ ਪ੍ਰਦਰਸ਼ਨ ਕਰੇਗਾ। ਇਹ ਵਿਰੋਧ ਪ੍ਰਦਰਸ਼ਨ ਸਵੇਰੇ 11:00 ਵਜੇ ਤੋਂ ਦੁਪਹਿਰ 3:20 ਵਜੇ ਤੱਕ ਚੱਲਣਗੇ। ਇਸ ਸਮੇਂ ਦੌਰਾਨ ਸਾਰੇ ਨਿਰਧਾਰਤ ਟੋਲ ਪਲਾਜ਼ੇ ਟੋਲ ਮੁਕਤ ਹੋਣਗੇ ਅਤੇ ਕਿਸੇ ਵੀ ਵਾਹਨ ਤੋਂ ਟੋਲ ਟੈਕਸ ਨਹੀਂ ਲਿਆ ਜਾਵੇਗਾ।

ਕਿਸਾਨ ਸੰਗਠਨਾਂ ਦਾ ਕਹਿਣਾ ਹੈ ਕਿ ਇਹ ਵਿਰੋਧ ਪ੍ਰਦਰਸ਼ਨ ਪੰਜਾਬ ਦੀ ਲੈਂਡ ਪੂਲਿੰਗ ਨੀਤੀ, ਪ੍ਰਸਤਾਵਿਤ ਭਾਰਤ-ਅਮਰੀਕਾ ਮੁਕਤ ਵਪਾਰ ਸਮਝੌਤੇ (FTA), ਲੈਂਡ ਮੌਰਗੇਜ ਬੈਂਕ ਨਾਲ ਸੰਬੰਧਿਤ ਮੁੱਦਿਆਂ ਅਤੇ ਕਿਸਾਨਾਂ ਦੀਆਂ ਹੋਰ ਲੰਬਿਤ ਮੰਗਾਂ ਨੂੰ ਲੈ ਕੇ ਕੀਤਾ ਜਾ ਰਿਹਾ ਹੈ। ਕਿਸਾਨ ਆਗੂਆਂ ਦਾ ਕਹਿਣਾ ਹੈ ਕਿ ਜੇਕਰ ਸਰਕਾਰ ਉਨ੍ਹਾਂ ਦੀਆਂ ਮੰਗਾਂ 'ਤੇ ਗੰਭੀਰਤਾ ਨਾਲ ਵਿਚਾਰ ਨਹੀਂ ਕਰਦੀ ਹੈ, ਤਾਂ ਭਵਿੱਖ ਵਿੱਚ ਅੰਦੋਲਨ ਤੇਜ਼ ਕੀਤਾ ਜਾਵੇਗਾ।

ਜਿਨ੍ਹਾਂ ਟੋਲ ਪਲਾਜ਼ਿਆਂ ’ਤੇ ਪ੍ਰਦਰਸ਼ਨ ਹੋਵੇਗਾ, ਉਨ੍ਹਾਂ ਵਿਚ ਢੇਰੀ ਜੱਟਾਂ,ਅਜ਼ੀਜ਼ਪੁਰ, ਕਾਲਾਝਾਰ, ਪੈਂਡ, ਲਾਡਪਾਵਲਾ,ਬਡਬਰ, ਜ਼ਿੱਦਾ, ਸ਼ੇਖਪੁਰਾ, ਲਾਡੋਵਾਲ, ਚਾਹਰ, ਮੱਲੀਆਂ,ਬਹਿਰਾਮ, ਭਾਗੂਮਾਜਰਾ, ਕੁਰਾਲੀ, ਛਿਡਨ, ਢਿਲਵਾਂ,ਨਿੱਝਰਪੁਰਾ, ਘੁਲਾਲ, ਬੱਚਵਾਂ, ਚੱਕ ਬਾਮਨੀਆ, ਦੱਪਰ, ਚੌਕੀਮਾਨ, ਕੁਰਾਲੀ ਸੁਸ਼ਮਾ, ਕੋਟ ਕਰੋੜ ਕਲਾਂ, ਬੱਲੂਆਣਾ, ਲਹਿਰਾ ਬੇਗਾ,ਮੌਦਾ, ਦਾਰਾਪੁਰ,ਖੁਈਆਂ ਸਰਵਰ,ਵਰਿਆਮ ਨੰਗਲ, ਕਾਲਾ ਟਿੱਬਾ,ਚੋਲਾਂਗ, ਉਸਮਾ,ਮਨਨ,ਫਿਰੋਜ਼ਸ਼ਾਹ,ਚੋਟੀਆਂ,ਅਬਦੁਲ ਖੁਰਾਣਾ,ਹਰਸਾ ਮਾਨਸਰ, ਕਰਹੇਵਾਲਾ, ਲਿਆਓ, ਕੰਗਥਲਾ (ਖਨੌਰੀ ਐਕਸਪ੍ਰੈਸਵੇਅ), ਜੱਸੀ ਬਾਗ ਵਾਲਾ, ਬਜਹੇੜੀ ਸ਼ਾਮਿਲ ਹਨ।