ਮੀਰਪੁਰ ਵਾਸੀਆਂ ਨੇ ਬਿਜਲੀ ਮਹਿਕਮੇ ਖਿਲਾਫ਼ ਕੀਤੀ ਨਾਅਰੇਬਾਜ਼ੀ

ਡੇਰਾਬੱਸੀ (ਚੰਡੀਗੜ੍ਹ), 19 ਜੁਲਾਈ (ਗੁਰਮੀਤ ਸਿੰਘ)- ਬਿਜਲੀ ਕੱਟ ਤੋ ਪ੍ਰੇਸ਼ਾਨ ਨਗਰ ਕੌਂਸਲ ਡੇਰਾਬੱਸੀ ਅਧੀਨ ਆਉਂਦੇ ਪਿੰਡ ਮੀਰਪੁਰ ਵਾਸੀਆਂ ਨੇ ਦੁਖੀ ਹੋ ਕੇ ਬਿਜਲੀ ਵਿਭਾਗ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ। ਕੋਈ ਸੁਣਵਾਈ ਨਾ ਹੋਣ ਤੇ ਜਦੋਂ ਲੋਕ ਮੁਬਾਰਿਕਪੁਰ ਸੜਕ ਤੇ ਧਰਨਾ ਲਾਉਣ ਲਈ ਪਹੁੰਚੇ ਤਾਂ ਬਿਜਲੀ ਵਿਭਾਗ ਨੂੰ ਹੱਥਾਂ ਪੈਰਾ ਦੀ ਪੈ ਗਈ।

ਵਿਭਾਗ ਦੇ ਕਰਮੀ ਉਸੇ ਸਮੇਂ ਬਿਜਲੀ ਦੀ ਸੜੀ ਤਾਰਾਂ ਠੀਕ ਕਰਨ ਪਹੁੰਚ ਗਏ। ਜਲਦ ਬਿਜਲੀ ਸਪਲਾਈ ਚਾਲੂ ਹੋਣ ਦੇ ਭਰੋਸੇ ਤੇ ਲੋਕਾਂ ਨੇ ਧਰਨਾ ਮੁਲਤਵੀ ਕਰ ਦਿੱਤਾ।