ਕੇਜਰੀਵਾਲ ਦੇਸ਼ ਦਾ ਸਭ ਤੋਂ ਵੱਡਾ ਭ੍ਰਿਸ਼ਟਾਚਾਰੀ ਤੇ ਸੱਤਾ ਦਾ ਭੁੱਖਾ ਸਿਆਸਤਦਾਨ - ਕਾਮਿਲ ਅਮਰ ਸਿੰਘ

ਗੁਰੂਸਰ ਸੁਧਾਰ, 27 ਅਪ੍ਰੈਲ (ਜਗਪਾਲ ਸਿੰਘ ਸਿਵੀਆਂ)-ਦਿੱਲੀ ਦੀ 2021 ਦੀ ਆਬਕਾਰੀ ਨੀਤੀ ਦੇ ਸੰਬੰਧ 'ਚ ਕਥਿਤ ਹਵਾਲਾ ਕੇਸ ਸੰਬੰਧੀ ਤਿਹਾੜ ਜੇਲ੍ਹ 'ਚ ਬੰਦ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਵਲੋਂ ਆਪਣੇ ਨਿੱਜੀ ਸਵਾਰਥਾਂ ਅਤੇ ਦਿੱਲੀ ਦੀ ਸੱਤਾ ਨੂੰ ਆਪਣੇ ਹੱਥਾਂ 'ਚ ਰੱਖੇ ਜਾਣ ਦੇ ਮਕਸਦ ਦੇ ਚੱਲਦਿਆਂ ਦਿੱਲੀ ਦੀ ਸਰਕਾਰ ਦੇ ਕੰਮਕਾਜ ਜੇਲ੍ਹ ਤੋਂ ਚਲਾਉਣ ਦੇ ਫੈਸਲੇ ਕਾਰਨ ਦਿੱਲੀ ਮਿਊਂਸੀਪਲ ਸਕੂਲਾਂ ਦੇ ਲਗਭਗ 200,000 ਵਿਦਿਆਰਥੀਆਂ ਨੂੰ ਕਿਤਾਬਾਂ ਅਤੇ ਵਰਦੀਆਂ ਵਰਗੀਆਂ ਜ਼ਰੂਰੀ ਸਮੱਗਰੀਆਂ ਤੋਂ ਸੱਖਣੇ ਸਕੂਲੀ ਵਿਦਿਆਰਥੀਆਂ ਦੀ ਵੱਡੀ ਤ੍ਰਾਸਦੀ ਉਤੇ ਸਖਤ ਨੋਟਿਸ ਲੈਂਦਿਆਂ ਦਿੱਲੀ ਹਾਈਕੋਰਟ ਦੇ ਐਕਟਿੰਗ ਚੀਫ ਜਸਟਿਸ ਮਨਮੋਹਨ ਤੇ ਜਸਟਿਸ ਮਨਮੀਤ ਸਿੰਘ ਅਰੋੜਾ ਦੇ ਡਵੀਜ਼ਨ ਬੈਂਚ ਵਲੋਂ ਕੇਜਰੀਵਾਲ ਨੂੰ 'ਸੱਤਾ ਦਾ ਭੁੱਖਾ' ਵਰਗੇ ਤਲਖ਼ੀ ਭਰੇ ਸ਼ਬਦਾਂ ਦਾ ਇਸਤੇਮਾਲ ਕਰਨ ਉਤੇ ਆਪਣੀ ਪ੍ਰਤੀਕਿਰਿਆ ਦਿੰਦੇ ਹੋਏ ਵਿਧਾਨ ਸਭਾ ਹਲਕਾ ਰਾਏਕੋਟ ਤੋਂ ਕਾਂਗਰਸੀ ਆਗੂ ਕਾਮਿਲ ਅਮਰ ਸਿੰਘ ਨੇ ਆਮ ਆਦਮੀ ਪਾਰਟੀ ਉਤੇ ਤਿੱਖੇ ਹਮਲੇ ਕਰਦਿਆਂ ਕਿਹਾ ਕਿ ਆਪ ਪਾਰਟੀ ਜਿਹੜੀ ਅੰਨਾ ਅੰਦੋਲਨ ਵਿਚੋਂ ਨਿਕਲੀ ਸੀ ਅਤੇ ਇਸ ਪਾਰਟੀ ਵਲੋਂ ਅੰਨਾ ਅੰਦੋਲਨ ਅਤੇ ਬਾਅਦ 'ਚ ਵੀ ਉਸ ਸਮੇਂ ਦੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਦੀ ਅਗਵਾਈ ਵਾਲੀ ਕੇਂਦਰ ਦੀ ਕਾਂਗਰਸ ਸਰਕਾਰ ਨੂੰ ਭ੍ਰਿਸ਼ਟਾਚਾਰੀ ਕਹਿੰਦੇ ਹੋਏ ਦਿੱਲੀ ਦੀ ਸੱਤਾ ਹਥਿਆਈ ਸੀ ਪਰ ਡਾ. ਮਨਮੋਹਨ ਸਿੰਘ ਦੀ ਕਾਂਗਰਸ ਸਰਕਾਰ ਨੂੰ ਸੱਤਾ ਤੋਂ ਬਾਹਰ ਹੋਏ 10 ਬੀਤ ਚੁੱਕੇ ਹਨ , ਜਿਨ੍ਹਾਂ ਉਤੇ ਨਾ ਤਾਂ ਕੋਈ ਈ.ਡੀ. ਜਾਂ ਹੋਰ ਸਰਕਾਰੀ ਏਜੰਸੀ ਭ੍ਰਿਸ਼ਟਾਚਾਰ ਦਾ ਇਕ ਵੀ ਦੋਸ਼ ਸਾਬਿਤ  ਕਰ ਸਕੀ ਪਰ ਕੇਜਰੀਵਾਲ ਨੇ ਆਪਣੇ 10 ਸਾਲ ਦੇ ਸ਼ਾਸਨ ਦੌਰਾਨ ਰੱਜ ਕੇ ਭ੍ਰਿਸ਼ਟਾਚਾਰ ਕੀਤਾ, ਜਿਸ ਕਾਰਨ ਉਹ ਈ.ਡੀ. ਦੇ 8 ਸੰਮਨ ਭੇਜਣ ਉਤੇ ਵੀ ਆਪਣੀ ਗ੍ਰਿਫਤਾਰੀ ਤੋਂ ਡਰਦਾ ਹੋਇਆ ਕੇਂਦਰੀ ਏਜੰਸੀ ਮੂਹਰੇ ਪੇਸ਼ ਨਹੀਂ ਹੋਇਆ, ਜਿਸ ਕਾਰਨ ਆਖਿਰ ਈ.ਡੀ. ਵਲੋਂ ਭ੍ਰਿਸ਼ਟਾਚਾਰੀ ਕੇਜਰੀਵਾਲ ਨੂੰ ਗ੍ਰਿਫਤਾਰ ਕਰਕੇ ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ ਭੇਜਿਆ ਗਿਆ।