ਨਵੇਂ ਵਿਆਹੇ ਜੋੜੇ ਨੂੰ ਆਨਲਾਈਨ ਰਿਸੈਪਸ਼ਨ 'ਚ ਸ਼ਾਮਿਲ ਹੋਣਾ ਪਿਆ

ਹੁਬਲੀ (ਕਰਨਾਟਕ), 5 ਦਸੰਬਰ (ਪੀ. ਟੀ. ਆਈ.)-ਨਵੇਂ ਵਿਆਹੇ ਜੋੜੇ ਦੀ ਰਿਸੈਪਸ਼ਨ ਇਥੇ 3 ਦਸੰਬਰ ਨੂੰ ਤੈਅ ਕੀਤੀ ਗਈ ਸੀ, ਪ੍ਰੰਤੂ ਇੰਡੀਗੋ ਦੇ ਆਪਰੇਸ਼ਨ 'ਚ ਰੁਕਾਵਟ ਦੀ ਵਜ੍ਹਾ ਨਾਲ ਜੋੜੇ ਨੂੰ ਆਪਣੇ ਵੱਡੇ ਪ੍ਰੋਗਰਾਮ 'ਚ ਵੀਡੀਓ ਕਾਨਫਰੰਸ ਦੇ ਜ਼ਰੀਏ ਹੀ ਸ਼ਾਮਿਲ ਹੋਣਾ ਪਿਆ | ਇਸ ਖਾਸ ਦਿਨ ਨੂੰ ਨਾ ਖੁੰਝਣ ਦੇਣ ਦਾ ਇਰਾਦੇ ਨਾਲ, ਜੋੜਾ ਭੁਬਨੇਸ਼ਵਰ ਤੋਂ ਵੀਡੀਏ ਕਾਨਫਰੰਸ ਜ਼ਰੀਏ ਸਥਾਨ 'ਤੇ ਇਕ ਵੱਡੀ ਸਕ੍ਰੀਨ 'ਤੇ ਦਿਸਿਆ, ਮਹਿਮਾਨਾਂ ਦਾ ਸਵਾਗਤ ਕੀਤੀ ਅਤੇ ਖੁਦ ਮੌਜੂਦ ਨਾ ਹੋਣ ਦੇ ਲਈ ਮੁਆਫ਼ੀ ਮੰਗੀ | ਦੁਲਹਨ ਦੇ ਮਾਤਾ-ਪਿਤਾ ਨੇ ਓਡੀਸ਼ਾ ਦੇ ਭੁਬਨੇਸ਼ਵਰ 'ਚ 23 ਨਵੰਬਰ ਨੂੰ ਵਿਆਹ ਕਰਨ ਵਾਲੇ ਜੋੜੇ ਦੀ ਤਰਫੋਂ ਤੈਅ ਰਿਸ਼ੈਪਸ਼ਨ ਦੀ ਜਗ੍ਹਾ ਗੁਜਰਾਤ ਭਵਨ ਵਿਖੇ ਇਸ ਮੌਕੇ 'ਤੇ ਸ਼ਿਰਕਤ ਕੀਤੀ |