ਚਾਰੇ ਪਾਸੇ ਖ਼ੁਸ਼ਹਾਲੀ ਕੋਈ ਰਵ੍ਹੇ ਨਾ ਮਲਾਲ!
ਕਿਤੇ ਛੇੜਨ ਨਾ ਜੰਗਾਂ, ਬਸ ਇਹੋ ਨੇ ਉਮੰਗਾਂ
ਹੋਵੇ ਪਿਆਰ ਦਾ ਪਸਾਰਾ ਰੱਬ ਕੋਲੋਂ ਏਹੋ ਮੰਗਾਂ
ਸੁੱਖ ਸਭਨਾਂ ਦੀ ਝੋਲੀ ਪਾ ਕੇ ਦੁੱਖ ਦੇਵੀਂ ਟਾਲ,
ਲੈ ਕੇ ਖ਼ੁਸ਼ੀਆਂ ਦੇ ਥਾਲ ਸ਼ਾਲਾ! ਆਵੇ ਨਵਾਂ ਸਾਲ।
ਚਾਰੇ ਪਾਸੇ ਖ਼ੁਸ਼ਹਾਲੀ ਕੋਈ ਰਵ੍ਹੇ ਨਾ ਮਲਾਲ!
ਕੌਮਾਂ ਮਜ਼੍ਹਬਾਂ ਦੇ ਝੇੜੇ ਹੋਣ ਸਭ ਦੇ ਨਬੇੜੇ
ਗੂੰਜੇ ਮੁੜ ਕੇ ਰਬਾਬ ਰਾਗ ਪਿਆਰ ਵਾਲੇ ਛੇੜੇ
ਮਨ ਖ਼ੁਸ਼ੀ ਵਿਚ ਝੂਮੇ, ਐਸੀ ਛੇੜੇ ਸੁਰਤਾਲ।
ਲੈ ਕੇ ਖ਼ੁਸ਼ੀਆਂ ਦੇ ਥਾਲ ਸ਼ਾਲਾ! ਆਵੇ ਨਵਾਂ ਸਾਲ।
ਚਾਰੇ ਪਾਸੇ ਖ਼ੁਸ਼ਹਾਲੀ, ਕੋਈ ਰਵ੍ਹੇੇ ਨਾ ਮਲਾਲ!
ਆਉਣ ਬਾਗਾਂ 'ਚ ਬਹਾਰਾਂ ਜਾਣ ਬਦਲ ਨੁਹਾਰਾਂ
ਗੀਤ ਪਿਆਰ ਵਾਲੇ ਗਾਈਏ ਛੇੜ ਦਿਲ ਦੀਆਂ ਤਾਰਾਂ
ਤੇਰ ਮੇਰ ਵਾਲੇ 'ਉਹੜਪੁਰੀ' ਛੱਡੀਏ ਖਿਆਲ!
ਲੈ ਕੇ ਖ਼ੁਸ਼ੀਆਂ ਦੇ ਥਾਲ ਸ਼ਾਲਾ! ਆਵੇਂ ਨਵਾਂ ਸਾਲ!
ਚਾਰੇ ਪਾਸੇ ਖ਼ੁਸ਼ਹਾਲੀ, ਕੋਈ ਰਵ੍ਹੇ ਨਾ ਮਲਾਲ।
-ਸਕੂਲ ਆਫ਼ ਐਮੀਨੈਂਸ ਟਾਂਡਾ ਉੜਮੁੜ
Oharpuri@gmail.com
