ਵਾਤਾਵਰਨ ਬਚਾ ਲੈ ਵਾਤਾਵਰਨ ਬਚਾ ਲੈ
ਆਪ ਸਮਝ ਤੇ ਹੋਰਾਂ ਨੂੰ ਵੀ ਸਮਝਾ ਲੈ
ਵਾਤਾਵਰਨ ਬਚਾ ਲੈ।
ਧਰਤੀ ਦੇ ਹੇਠੋਂ ਜੇ ਮੁੱਕ ਗਿਆ ਪਾਣੀ
ਜ਼ਿੰਦਗੀ ਦੀ ਮੁੱਕ ਜਾਵੇਗੀ ਕਹਾਣੀ
ਦੁਰਵਰਤੋਂ ਤੂੰ ਪਾਣੀ ਦੀ ਘਟਾ ਲੈ
ਵਾਤਾਵਰਨ ਬਚਾ ਲੈ× ।
ਕੁਦਰਤ ਨਾਲ ਕਰਦਾ ਗਦਾਰੀਆਂ
ਰੁੱਖਾਂ ਉੱਤੇ ਫੇਰੀ ਜਾਵੇ ਆਰੀਆਂ
ਰੁੱਖਾਂ ਸੰਗ ਸਾਂਝ ਆਪਣੀ ਵਧਾ ਲੈ
ਵਾਤਾਵਰਨ ਬਚਾ ਲੈ× ।
ਹਾੜ੍ਹੀ-ਸਾਉਣੀ ਅੱਗ ਲਾਵੇਂ ਬੇਲੀਆ
ਬੇਦੋਸ਼ਿਆਂ ਤੇ ਕਹਿਰ ਕਮਾਵੇਂ ਬੇਲੀਆ
ਜੀਵ-ਜੰਤੂਆਂ 'ਤੇ ਤਰਸ ਵੀ ਖਾ ਲੈ
ਵਾਤਾਵਰਨ ਬਚਾ ਲੈ× ।
ਫ਼ਸਲਾਂ 'ਤੇ ਸਪਰੇਆਂ ਛਿੜਕਾਵੇਂ ਤੂੰ
ਪੌਣਾਂ ਵਿਚ ਜ਼ਹਿਰਾਂ ਨੂੰ ਮਿਲਾਵੇਂ ਤੂੰ
ਕੁਦਰਤ ਨਾਲ ਵਫ਼ਾ ਵੀ ਕਮਾ ਲੈ
ਵਾਤਾਵਰਨ ਬਚਾ ਲੈ× ।
'ਭੁੱਲਰ' ਦੇਵੇ ਤੈਨੂੰ ਹੋਕਾਂ ਬੇਲੀਆ
ਹੱਥੋਂ ਜਾਵੇ ਲੰਘਦਾ ਮੌਕਾ ਬੇਲੀਆ
ਗੱਲਾਂ ਮੇਰੀਆਂ ਦਿਲ 'ਚ ਵਸਾ ਲੈ
ਵਾਤਾਵਰਨ ਬਚਾ ਲੈ।
-ਹਰਦੇਵ ਸਿੰਘ ਭੁੱਲਰ
ਪਿੰਡ ਮਸਤੇ ਵਾਲਾ (ਜ਼ੀਰਾ)।
ਮੋਬਾ: 94173-19048