ਮੁੰਬਈ, 30 ਅਪ੍ਰੈਲ (ਪੀ. ਟੀ. ਆਈ.)-ਇਥੋਂ ਦੀ ਇਕ ਅਦਾਲਤ ਨੇ ਵੀਰਵਾਰ ਨੂੰ ਨਸ਼ਾ ਤਸਕਰ ਮੁਹੰਮਦ ਸਲੀਮ ਡੋਲਾ, ਜੋ ਕਿ ਗੈਂਗਸਟਰ ਦਾਊਦ ਇਬਰਾਹਿਮ ਦਾ ਕਰੀਬੀ ਸਾਥੀ ਹੈ, ਨੂੰ 2023 ਦੇ ਡਰੱਗ ਜ਼ਬਤੀ ਦੇ ਇੱਕ ਮਾਮਲੇ ਵਿਚ 8 ਮਈ ਤੱਕ ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨ ਸੀ ਬੀ) ਦੀ ਹਿਰਾਸਤ ਵਿੱਚ ਭੇਜ ਦਿੱਤਾ ਹੈ¢ ਡੋਲਾ (59) ਨੂੰ ਭਾਰਤ ਦੀ ਬੇਨਤੀ 'ਤੇ ਜਾਰੀ ਇੰਟਰਪੋਲ ਰੈੱਡ ਨੋਟਿਸ ਦੇ ਆਧਾਰ 'ਤੇ ਮਾਰਚ 2024 ਵਿਚ ਤੁਰਕੀ ਵਿੱਚ ਗਿ੍ਫਤਾਰ ਕੀਤਾ ਗਿਆ ਸੀ¢ ਉਹ ਕਈ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਮਾਮਲਿਆਂ 'ਚ ਭਾਰਤ ਵਿਚ ਲੋੜੀਂਦਾ ਸੀ ਅਤੇ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਤੋਂ ਫਰਾਰ ਸੀ¢ ਉਸਨੂੰ ਮੰਗਲਵਾਰ ਨੂੰ ਦਿੱਲੀ ਲਿਆਂਦਾ ਗਿਆ | ਰਾਸ਼ਟਰੀ ਰਾਜਧਾਨੀ ਦੀ ਇੱਕ ਅਦਾਲਤ ਨੇ ਐੱਨ.ਸੀ.ਬੀ. ਨੂੰ ਉਸਨੂੰ ਮੁੰਬਈ ਲੈ ਕੇ ਜਾਣ ਲਈ ਦੋ ਦਿਨਾਂ ਦਾ ਟਰਾਂਜ਼ਿਟ ਰਿਮਾਂਡ ਦਿੱਤਾ¢ ਇੱਕ ਟੀਮ ਬੁੱਧਵਾਰ ਨੂੰ ਡੋਲਾ ਨੂੰ ਮੁੰਬਈ ਲੈ ਕੇ ਆਈ ਅਤੇ ਵੀਰਵਾਰ ਨੂੰ ਉਸਨੂੰ ਐਡੀਸ਼ਨਲ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਕੇ.ਐੱਸ. ਝਾਂਵਰ ਦੇ ਸਾਹਮਣੇ ਪੇਸ਼ ਕੀਤਾ¢ ਜਾਂਚ ਏਜੰਸੀ ਨੇ ਮਾਮਲੇ ਦੀ ਵਿਸਥਾਰਤ ਜਾਂਚ ਕਰਨ ਲਈ ਉਸਦੀ 10 ਦਿਨਾਂ ਦੀ ਹਿਰਾਸਤ ਦੀ ਮੰਗ ਕੀਤੀ¢ ਅਦਾਲਤ ਨੇ 8 ਮਈ ਤੱਕ ਰਿਮਾਂਡ ਦਿੱਤਾ¢ ਜਿਸ ਖਾਸ ਕੇਸ ਲਈ ਰਿਮਾਂਡ ਦਿੱਤਾ ਗਿਆ ਸੀ ਉਹ 2023 ਵਿਚ ਦੱਖਣੀ ਮੁੰਬਈ ਤੋਂ 20 ਕਿਲੋਗ੍ਰਾਮ ਡਰੱਗ ਮੇਫੇਡ੍ਰੋਨ ਜ਼ਬਤ ਕਰਨ ਨਾਲ ਸੰਬੰਧਿਤ ਹੈ |
