ਮੋਰਿੰਡਾ, 28 ਮਾਰਚ (ਪਿ੍ਤਪਾਲ ਸਿੰਘ)-ਭਾਰਤ ਵਿਕਾਸ ਪ੍ਰੀਸ਼ਦ ਮੋਰਿੰਡਾ ਵਲੋਂ ਕੈਮਿਸਟ ਐਸੋਸੀਏਸ਼ਨ ਮੋਰਿੰਡਾ ਦੇ ਸਹਿਯੋਗ ਨਾਲ ਖ਼ਾਲਸਾ ਗਰਲਜ਼ ਕਾਲਜ ਮੋਰਿੰਡਾ ਵਿਖੇ ਪ੍ਰਧਾਨ ਜਗਦੀਸ਼ ਵਰਮਾ ਦੀ ਪ੍ਰਧਾਨਗੀ ਹੇਠ 101ਵਾਂ ਖ਼ੂਨਦਾਨ ਕੈਂਪ ਲਗਾਇਆ ਗਿਆ | ਇਸ ਸੰਬੰਧੀ ਬਲੱਡ ਕੈਂਪ ਦੇ ਚੇਅਰਮੈਨ ਸੁਰੇਸ਼ ਡੋਰਾ ਨੇ ਦੱਸਿਆ ਕਿ ਇਹ ਕੈਂਪ ਸ਼ਹੀਦ ਭਗਤ ਸਿੰਘ ਰਾਜਗੁਰੂ ਅਤੇ ਸੁਖਦੇਵ ਦੀ ਸ਼ਹੀਦੀ ਨੂੰ ਸਮਰਪਿਤ ਲਗਾਇਆ ਗਿਆ ਹੈ | ਇਸ ਕੈਂਪ ਦਾ ਉਦਘਾਟਨ ਆਈ.ਡੀ.ਬੀ.ਆਈ ਬੈਂਕ ਦੇ ਮੈਨੇਜਰ ਅਜੇ ਕੁਮਾਰ ਨੇ ਕੀਤਾ ਅਤੇ ਸ਼ਮ੍ਹਾ ਰੌਸ਼ਨ ਦਲਜੀਤ ਸਿੰਘ ਬਿੱਟੂ ਵਲੋਂ ਕੀਤੀ ਗਈ | ਇਸ ਕੈਂਪ ਦੌਰਾਨ ਪੀ.ਜੀ.ਆਈ ਦੀ ਬਲੱਡ ਬੈਂਕ ਦੀ ਟੀਮ ਵਲੋਂ 36 ਯੂਨਿਟ ਖੂਨ ਇਕੱਤਰ ਕੀਤਾ ਗਿਆ | ਪ੍ਰਬੰਧਕਾਂ ਵਲੋਂ ਖ਼ੂਨਦਾਨੀਆਂ ਦਾ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਜ਼ਿਲ੍ਹਾ ਕੋਆਰਡੀਨੇਟਰ ਜਤਿੰਦਰ ਗੁੰਬਰ, ਸੈਕਟਰੀ ਟੇਕ ਚੰਦ ਗੋਪਾਲ, ਕੈਸ਼ੀਅਰ ਮਨੀਸ਼ ਵਸ਼ਿਸ਼ਟ, ਸੁਰੇਸ਼ ਡੋਰਾ, ਮਾਸਟਰ ਹਾਕਮ ਸਿੰਘ, ਡਾਕਟਰ ਸ਼ਿਵ ਕੁਮਾਰ ਕੌੜਾ, ਰਕੇਸ਼ ਪੁਰੀ ਪ੍ਰਧਾਨ ਵਾਕੀ ਟਾਕੀ ਕਲੱਬ, ਸ਼ਾਮ ਲਾਲ, ਸੀਤਾ ਰਾਮ ਰਾਣਾ, ਮਨਦੀਪ ਸਿੰਘ, ਅਜੀਤ ਮੈਗੀ, ਕੁਲਦੀਪ ਦੀਪੀ, ਸੋਨਮਿੰਦਰ ਸਿੰਘ ਬਤਰਾ, ਯੋਗਿੰਦਰ ਪਾਲ ਰੁਧਰਾ, ਪੁਸ਼ਪਿੰਦਰ ਸੂਦ ਅਤੇ ਜੌਲੀ ਸੂਦ ਆਦਿ ਹਾਜ਼ਰ ਸਨ |
