ਤਪਾ ਮੰਡੀ, 5 ਮਾਰਚ (ਪ੍ਰਵੀਨ ਗਰਗ)-ਸ੍ਰੀ ਅਗਰਵਾਲ ਪੀਰਖਾਨਾ ਕਮੇਟੀ ਵਲੋਂ ਬਾਬਾ ਹੈਦਰ ਸ਼ੇਖ ਦਾ ਉਸ (13ਵਾਂ ਰੋਜ਼ਾ) ਘੜੈਲੀ ਰੋਡ ਸਥਿਤ ਪੀਰਖਾਨਾ ਤਪਾ ਵਿਖੇ ਧੂਮਧਾਮ ਨਾਲ ਮਨਾਇਆ ਗਿਆ | ਇਸ ਮੌਕੇ ਬਾਬਾ ਗੋਲਡੀ ਪੱਖੋ ਕਲਾਂ, ਬਾਬਾ ਛਤਰੀ ਨੇ ਸ਼ੇਖ ਸਾਈ ਬਾਬਾ ਬਘੇਲ ਤੇ ਸ਼ਰਧਾਲੂਆਂ ਸਮੇਤ ਕੇਕ ਕੱਟਣ ਅਤੇ ਰੋਜ਼ੇ 'ਤੇ ਫ਼ੁੱਲ ਚੜ੍ਹਾਉਣ ਦੀ ਰਸਮ ਅਦਾ ਕੀਤੀ | ਸ਼ੇਖ ਸਾਂਈਾਆਂ ਨੇ ਬਾਬਾ ਹੈਦਰ ਸ਼ੇਖ ਦੇ ਉਸ ਨੂੰ ਮੁੱਖ ਰੱਖਦਿਆਂ ਬਾਬਾ ਜੀ ਦਾ ਯਸ਼ ਗਾਇਨ ਕੀਤਾ ਅਤੇ ਇਲਾਕੇ ਦੀ ਸੁੱਖ ਸ਼ਾਂਤੀ ਅਤੇ ਖ਼ੁਸ਼ਹਾਲੀ ਲਈ ਅਰਦਾਸ ਕੀਤੀ | ਸਮਾਗਮ ਮੌਕੇ ਕਮੇਟੀ ਮੈਂਬਰਾਂ ਵਲੋਂ ਬੜੀ ਹੀ ਸ਼ਰਧਾ ਨਾਲ ਮੁਸਲਿਮ ਭਾਈਚਾਰੇ ਦਾ ਰੋਜ਼ਾ ਵੀ ਖੁਲ੍ਹਵਾਇਆ ਗਿਆ | ਧਾਰਮਿਕ ਸਮਾਗਮ ਮੌਕੇ ਭੰਡਾਰਾ ਅਤੱੁਟ ਵਰਤਿਆ | ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਹੇਮ ਰਾਜ ਸ਼ੰਟੀ ਮੌੜ, ਚੇਅਰਮੈਨ ਚਿਮਨ ਲਾਲ, ਸੈਕਟਰੀ ਕਿ੍ਸ਼ਨ ਗੋਇਲ, ਸਰਪ੍ਰਸਤ ਮੋਹਨ ਲਾਲ ਬਹਾਵਲਪੁਰੀਆ, ਸਰਪ੍ਰਸਤ ਰਾਜ ਕੁਮਾਰ ਪੱਖੋ, ਮੀਤ ਪ੍ਰਧਾਨ ਦਾਰਾ ਸਿੰਘ, ਕੈਸ਼ੀਅਰ ਕੇਵਲ ਬਰੇਟਾ, ਵਿਪਨ ਕੁਮਾਰ ਬਰਫ਼ੀ, ਸੁਰਿੰਦਰ ਕੁਮਾਰ ਬਬਲੀ, ਸੁਸ਼ੀਲ ਕੁਮਾਰ ਬੰਟੀ, ਹਨੀ ਜਿੰਦਲ, ਟੀ.ਟੀ ਬਾਬਾ, ਰਾਜੂ ਧੌਲਾ, ਭੋਲਾ ਡਾਕਟਰ, ਸੁਭਾਸ਼ ਮੁਨੀਮ, ਤਰਸੇਮ ਲਾਲ, ਸ਼ਿਵਜੀ ਭੈਣੀ, ਭਗਵੰਤ ਰਾਏ, ਇੰਦਰ ਸੈਨ, ਸੋਨੀ ਸਹਿਣਾ, ਹਰਬੰਸ ਲਾਲ ਮੌੜ, ਭੂਸ਼ਨ ਰੂੜੇਕੇ, ਕਿ੍ਸ਼ਨ ਲਾਲ, ਕਮਲ ਗੋਇਲ, ਅਰੁਣ ਗੋਇਲ ਆਦਿ ਸ਼ਰਧਾਲੂ ਮੌਜੂਦ ਸਨ |
