ਰੁੱਖਾਂ ਦੇ ਸੁਖ

ਆਓ ਲਗਾਈਏ ਇਕ ਇਕ ਰੁੱਖ,
ਰੁੱਖ ਦੇਂਦੇ ਨੇ ਕਿੰਨੇ ਸੁਖ।
ਰੁੱਖਾਂ ਬਾਝੋਂ ਨਾ ਸੋਂਹਦੀ ਥਾਂ,
ਰੁੱਖ ਹੀ ਦੇਂਦੇ ਫਲ, ਫੁੱਲ, ਛਾਂ।
ਆਕਸੀਜਨ ਜੋ ਬੜੀ ਜ਼ਰੂਰੀ,
ਰੁੱਖ ਕਰਦੇ ਇਹ ਲੋੜ ਪੂਰੀ।
ਕਿਧਰੇ ਜਦ ਵੀ ਹੜ੍ਹ ਆ ਜਾਣ,
ਭੂ ਖੋਰ ਤੋਂ ਰੁੱਖ ਬਚਾਉਣ।
ਮਨੁੱਖ, ਰੁੱਖਾਂ ਨੂੰ ਕੱਟਦੇ ਜਾਣ,
ਰੁੱਖ ਦਿਨੋ ਦਿਨ ਘਟਦੇ ਜਾਣ।
ਰੁੱਖਾਂ ਦਾ ਖਿਆਲ ਕਰੀਏ,
ਰੁੱਖਾਂ ਦੀ ਸੰਭਾਲ ਕਰੀਏ।
ਸਾਡੇ ਵਿਹੜੇ ਹੈ ਸੰਘਣਾ ਰੁੱਖ,
ਇਹਦਾ ਸਾਨੂੰ ਬੜਾ ਹੀ ਸੁਖ।
ਚਿੜੀਆਂ, ਕਬੂਤਰ, ਘੁੱਗੀਆਂ, ਕਾਂ,
ਉਹ ਵੀ ਮਾਣਨ ਇਹਦੀ ਛਾਂ।
-ਹਰਿੰਦਰ ਸਿੰਘ ਗੋਗਨਾ
ਆਰ.ਟੀ.ਆਈ. ਸੈੱਲ ਪੰਜਾਬੀ ਯੂਨੀਵਰਸਿਟੀ,
ਪਟਿਆਲਾ। ਮੋਬਾਈਲ : 98723-25960