ਲੱਗ ਪਈ ਆਟਾ ਪੀਸਣ ਚੱਕੀ |
ਫਿਰਦੀਆਂ ਕੰਮ ਮਸ਼ੀਨਾਂ ਧੱਕੀ,
ਕੀਤੀ ਸਾਇੰਸ ਬੜੀ ਤਰੱਕੀ |
ਜਨਤਾ ਕਰਤੀ ਬਹੁਤ ਸੁਖਾਲ਼ੀ,
ਢੇਰ ਲਾ ਦਿੱਤੇ ਭਾਨਾਂ ਦੇ |
ਗੁਣ ਨਹੀਂ ਗਾਏ ਜਾਂਦੇ,
ਅੱਜ ਦੇ ਸਾਇੰਸਦਾਨਾਂ ਦੇ |
ਸਾਇੰਸ ਬੜੇ ਦਿਖਾਏ ਖੇਲ,
ਚੱਲੇ ਗਾਡਰ ਉਤੇ ਰੇਲ |
ਖਾਂਦੀ ਕੋਇਲੇ ਛੱਡ ਕੇ ਤੇਲ,
ਬਿਜਲੀ ਗੈਸ ਦਾ ਤਾਲ-ਮੇਲ |
ਛੱਡਦੀ ਜਾਏ ਸਟੇਸ਼ਨ ਪਿੱਛੇ,
ਜਾਂਦੀ ਵਾਂਗ ਤੂਫ਼ਾਨਾਂ ਦੇ |
ਮੈਂ ਜਾਵਾਂ ਬਲਿਹਾਰੇ,
ਅੱਜ ਦੇ ਸਾਇੰਸਦਾਨਾਂ ਦੇ |
ਕਿਧਰੇ ਰਾਕਟ ਜਹਾਜ਼ ਬਣਾਏ,
ਘੰਟਿਆਂ ਵਿਚ ਵਿਦੇਸ਼ ਪੁਚਾਏ |
ਲਾਵਣ ਪੰਛੀਆਂ ਵਾਂਗ ਉਡਾਰੀ,
ਹੋਈ ਹੈਰਾਨ ਏਹ ਖ਼ਲਕਤ ਸਾਰੀ |
ਹਵਾ ਵਿਚ ਕਰਾਉਂਦੇ ਸੈਰਾਂ,
ਉੱਡੇ ਵਿਚ ਅਸਮਾਨਾਂ ਦੇ |
ਗੁਣ ਨਹੀਂ ਗਾਏ ਜਾਂਦੇ,
ਅੱਜ ਦੇ ਸਾਇੰਸਦਾਨਾਂ ਦੇ |
ਹੱਥਾਂ ਵਿਚ ਮੋਬਾਈਲ ਫੜਾਏ,
ਇੰਟਰਨੈੱਟ ਨੇ ਰੰਗ ਦਿਖਾਏ |
ਕੀਤੀ ਮੁੱਠੀ ਵਿਚ ਬੰਦ ਦੁਨੀਆਂ,
ਗੱਲਾਂ ਜਾਣ ਨਾ ਏਨੀਆਂ ਸੁਣੀਆਂ |
ਜਿੰਨੀਆਂ ਏਹ ਸੁਣਾਵੇ
'ਡੁੱਬੜਾ' ਕਿੱਸੇ ਖੋਲ੍ਹ ਸ਼ੈਤਾਨਾਂ ਦੇ |
ਮੈਂ ਜਾਵਾਂ ਬਲਿਹਾਰੇ,
ਅੱਜ ਦੇ ਸਾਇੰਸਦਾਨਾਂ ਦੇ |
ਕੀਤੇ ਸਾਇੰਸ ਬੜੇ ਕਿ੍ਸ਼ਮੇ,
ਚੱਲੇ ਇੰਜਨਾਂ ਵਾਲੇ ਧੁੱਕ-ਧੁੱਕ |
ਕੱਢੀ ਕਾਢ ਟਰੈਕਟਰ ਬਣਗੇ,
ਚੜ੍ਹਦੇ ਟਿੱਬਿਆਂ ਉੱਤੇ ਬੁੱਕ-ਬੁੱਕ |
ਮੇਰਾ ਦੇਸ਼ ਕੀਤਾ ਖੁਸ਼ਹਾਲ,
ਤੋੜ 'ਤੇ ਦੁੱਖ ਕਿਸਾਨਾਂ ਦੇ |
ਗੁਣ ਨਹੀਂ ਗਾਏ ਜਾਂਦੇ,
ਅੱਜ ਦੇ ਸਾਇੰਸਦਾਨਾਂ ਦੇ |
ਪੱਖੇ ਕੂਲਰ ਏ.ਸੀ. ਕਾਰਾਂ,
ਤੋਪ ਮਿਜ਼ਾਇਲਾਂ ਟੈਂਕ ਹਜ਼ਾਰਾਂ |
ਟੀਵੀ, ਲੈਪਟਾਪ ਕੰਪਿਊਟਰ,
ਮੋਟਰ ਸਾਈਕਲ ਅਤੇ ਸਕੂਟਰ |
ਕੀ-ਕੀ ਦੱਸਾਂ 'ਭੁੱਲੜਾ'
ਲਾ 'ਤੇ ਖੰਭ ਇਨਸਾਨਾਂ ਦੇ |
ਮੈਂ ਜਾਵਾਂ ਬਲਿਹਾਰੇ,
ਅੱਜ ਦੇ ਸਾਇੰਸਦਾਨਾਂ ਦੇ |
-ਜ਼ੀਰਾ ਮੋਬਾ.: 9417046117
