ਦੀਵਾਲੀ ਦਾ ਆਇਆ ਤਿਉਹਾਰ

 • ਮਨਜੀਤ ਸਿੰਘ ਘੜੈਲੀ •

ਦੀਵਾਲੀ ਦਾ ਆਇਆ ਤਿਉਹਾਰ,
ਸਜੇ ਹੋਏ ਨੇ ਖ਼ੂਬ ਬਾਜ਼ਾਰ |
ਕਿਧਰੇ ਜਗ-ਮਗ ਲੜੀਆਂ ਜਗਣ,
ਟਿਮ ਟਿਮ ਕਰਦੀਆਂ ਦੂਣੀਆਂ ਫਬਣ |
ਹਲਵਾਈਆਂ ਨੇ ਸਟਾਲਾਂ ਲਾਈਆਂ,
ਭਾਂਤ-ਭਾਂਤ ਦੀਆਂ ਪਈਆਂ ਮਠਿਆਈਆਂ |
ਲਾਲ ਸੇਬ ਤੇ ਸੋਹਣੇ ਕੇਲੇ,
ਲੋਕੀਂ ਭਰ-ਭਰ ਲੈ ਗਏ ਥੈਲੇ |
ਕਿਤੇ ਪਟਾਕੇ ਤੇ ਫੁੱਲਝੜੀਆਂ,
ਸਜੀਆਂ ਖ਼ੂਬ ਦੁਕਾਨਾਂ ਬੜੀਆਂ |
ਰੌਣਕ ਡਾਹਢੀ ਵਿਚ ਬਾਜ਼ਾਰਾਂ,
ਲੋਕੀਂ ਆਉਂਦੇ ਬੰਨ੍ਹ ਕਤਾਰਾਂ |
ਜਗ-ਮਗ ਹੋਈ ਚਾਰੇ ਪਾਸੇ,
ਖੁਸ਼ੀਆਂ ਖੇੜ੍ਹੇ ਡੁੱਲ੍ਹਣ ਹਾਸੇ |
ਲੋਕਾਂ ਨੇ ਘਰ ਖ਼ੂਬ ਸਜਾਏ,
ਬੂਹਿਆਂ ਅੱਗੇ ਫੁੱਲ ਲਟਕਾਏ |
ਦੀਵਿਆਂ ਦੇ ਨਾਲ ਸਜਣ ਬਨੇਰੇ,
ਰੌਸ਼ਨ ਹੋਏ ਚਾਰ-ਚੁਫੇਰੇ |
ਸਾਂਝਾਂ ਦਾ ਇਹ ਦੇਵੇ ਸੰਦੇਸ਼,
ਨਫ਼ਰਤ, ਸਾੜਾ ਮਿਟੇ ਕਲੇਸ਼ |
ਆਓ ਰਲ-ਮਿਲ ਪ੍ਰਣ ਕਰਾਈਏ,
ਦੀਵਾਲੀ ਪ੍ਰਦੂਸ਼ਣ ਰਹਿਤ ਮਨਾਈਏ |
-ਪਿੰਡ : ਘੜੈਲੀ (ਬਠਿੰਡਾ) | 
ਮੋਬਾਈਲ : 79860-63165