ਰਾਣਾ ਗੁਰਜੀਤ ਸਿੰਘ ਤੇ ਕਰਮਬੀਰ ਸਿੰਘ ਚੰਦੀ ਨੇ ਪੋਰਟਲ 'ਤੇ ਵੇਰਵੇ ਭਰ ਕੇ ਜਨਗਣਨਾ-2027 ਦੇ ਪਹਿਲੇ ਪੜਾਅ ਦੀ ਸ਼ੁਰੂਆਤ ਕੀਤੀ
ਅਜੀਤ ਡੈਸਕ
01-05-2026
ਜ਼ਿਲ੍ਹੇ ਦੇ ਲੋਕ ਜਨਗਣਨਾ 2027 ਦੇ ਕਾਰਜ ਵਿਚ ਪੂਰਾ ਸਹਿਯੋਗ ਦੇਣ-ਸਕੱਤਰ ਸਿੰਘ ਬੱਲ
ਜਨਗਣਨਾ-2027 ਦੀ ਅੱਜ ਜ਼ਿਲ੍ਹੇ ਵਿਚ ਹੋਈ ਸ਼ੁਰੂਆਤ ਮੌਕੇ ਸਕੱਤਰ ਸਿੰਘ ਬੱਲ ਵਧੀਕ ਡਿਪਟੀ ਕਮਿਸ਼ਨਰ ਜਨਰਲ ਨੇ ਜ਼ਿਲ੍ਹੇ ਦੇ ਲੋਕਾਂ ਨੂੰ ਇਸ ਕੌਮੀ ਮੁਹਿੰਮ ਨਾਲ ਜੁੜਣ ਦਾ ਸੱਦਾ ਦਿੱਤਾ | ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਵਲੋਂ 14 ਮਈ ਤੱਕ ਸਵੈ ਗਣਨਾ ਦਾ ਵਿਸ਼ੇਸ਼ ਪੜਾਅ ਚਲਾਇਆ ਜਾ ਰਿਹਾ ਹੈ | ਜਿਸ ਤਹਿਤ ਕੋਈ ਵੀ ਨਾਗਰਿਕ ਪੋਰਟਲ 'ਤੇ ਜਾ ਕੇ ਆਪਣੇ ਪਰਿਵਾਰ ਦੇ ਵੇਰਵੇ ਦਰਜ ਕਰ ਸਕਦਾ ਹੈ | ਉਨ੍ਹਾਂ ਸਪਸ਼ਟ ਕੀਤਾ ਕਿ ਜਿਹੜੇ ਪਰਿਵਾਰ ਇਸ ਡਿਜੀਟਲ ਦਾ ਸਹੂਲਤ ਦਾ ਲਾਭ ਉਠਾਕੇ ਆਪਣੀ ਜਾਣਕਾਰੀ ਪਹਿਲਾਂ ਹੀ ਦਰਜ ਕਰ ਲੈਣਗੇ ਉਨ੍ਹਾਂ ਨੂੰ 15 ਮਈ ਤੋਂ 13 ਜੂਨ ਤੱਕ ਚੱਲਣ ਵਾਲੇ ਘਰ-ਘਰ ਸਰਵੇਖਣ ਦੌਰਾਨ ਗਿਣਤੀਕਾਰਾਂ ਨੂੰ ਕੇਵਲ ਆਪਣੀ ਸਵੈ ਗਣਨਾ ਆਈ.ਡੀ. ਹੀ ਦਿਖਾਉਣੀ ਪਵੇਗੀ | ਵਧੀਕ ਡਿਪਟੀ ਕਮਿਸ਼ਨਰ ਨੇ ਜ਼ਿਲ੍ਹੇ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਡਿਊਟੀ 'ਤੇ ਤਾਇਨਾਤ ਕਰਮਚਾਰੀਆਂ ਨੂੰ ਪੂਰਾ ਸਹਿਯੋਗ ਦੇਣ ਤਾਂ ਜੋ ਫਰਵਰੀ 2027 ਤੱਕ ਚੱਲਣ ਵਾਲੀ ਇਸ ਪੂਰੀ ਪ੍ਰਕਿਰਿਆ ਨੂੰ ਪਾਰਦਰਸ਼ੀ ਤੇ ਸੁਚੱਜੇ ਢੰਗ ਨਾਲ ਨੇਪਰੇ ਚਾੜਿ੍ਹਆ ਜਾ ਸਕੇ |
