ਰੁਜ਼ਗਾਰ ਦੀ ਮੰਗ ਨੂੰ ਲੈ ਬਰਾਜ ਡੈਮ ਔਸਤੀ ਦੇ ਦੋ ਬਜ਼ੁਰਗ ਬਿਜਲੀ‌ ਦੇ ਟਾਵਰ ’ਤੇ ਚੜੇ

ਸ਼ਾਹਪੁਰ ਕੰਢੀ/ਮਾਧੋਪੁਰ (ਗੁਰਦਾਸਪੁਰ/ਪਠਾਨਕੋਟ), 10 ਜੂਨ (ਰਣਜੀਤ ਸਿੰਘ, ਵਿਨੋਦ, ਮਹਿਰਾ)- ਬਰਾਜ ਡੈਮ ਔਸਤੀ ਸੰਘਰਸ਼ ਕਮੇਟੀ ਦੇ ਦੋ ਬੁਜਰਗ ਮੈਂਬਰ ਸ਼ਰਮ ਸਿੰਘ (87) ਅਤੇ ਕੁਲਵਿਦੰਰ ਸਿੰਘ ਰੁਜ਼ਗਾਰ ਦੀ ਮੰਗ ਨੂੰ ਲੈ ਕੈ ਪਿੰਡ ਸੰਧੂੜੀ ਵਿਖੇ 120 ਫੁੱਟ ਉਚੇ ਬਿਜਲੀ ਦੇ ਟਾਵਰ ’ਤੇ ਚੜੇ। ਇਹ ਬੁਜ਼ਰਗ ਪਹਿਲਾਂ ਵੀ ਰੁਜ਼ਗਾਰ ਦੀ ਮੰਗ ਨੂੰ ਲੈ ਕੇ ਕਦੇ ਟੈਲੀਫੋਨ ਟਾਵਰ, ਕਦੇ ਪਾਣੀ ਦੀ ਟੈਂਕੀ ਅਤੇ ਕਦੇ ਬਿਜਲੀ ਦੇ ਟਾਵਰ ’ਤੇ ਚੜੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹਰ ਵਾਰ ਝੂਠੇ ਵਾਅਦੇ ਕਰਕੇ ਸਾਨੂੰ ਹੇਠਾਂ ਉਤਾਰ ਲਿਆ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਚੰਡੀਗੜ੍ਹ ਦਫਤਰਾਂ ਦੇ ਚੱਕਰ ਮਾਰ ਕੇ ਥੱਕ ਚੁੱਕੇ ਹਨ। ਸਰਕਾਰ ਕੋਈ ਸੁਣਵਾਈ ਨਹੀਂ ਕਰ ਰਹੀ। ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਉਨ੍ਹਾਂ ਨੂੰ ਨੌਕਰੀ ਨਹੀਂ ਮਿਲਦੀ, ਉਦੋਂ ਤੱਕ ਸੰਘਰਸ਼ ਜਾਰੀ ਰਹੇਗਾ।