ਪ੍ਰਧਾਨ ਮੰਤਰੀ ਨੇ ਇਹ ਨਹੀਂ ਕਿਹਾ ਹੈ ਕਿ ਟਰੰਪ ਝੂਠ ਬੋਲ ਰਹੇ ਹਨ - ਰਾਹੁਲ ਗਾਂਧੀ

ਨਵੀਂ ਦਿੱਲੀ, 30 ਜੁਲਾਈ - ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਜੰਗਬੰਦੀ ਅਤੇ ਟੈਰਿਫ 'ਤੇ ਬਿਆਨ 'ਤੇ, ਲੋਕ ਸਭਾ ਵਿਰੋਧੀ ਧਿਰ ਅਤੇ ਕਾਂਗਰਸ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਕਿਹਾ, "ਇਹ ਸਪੱਸ਼ਟ ਹੈ, ਪ੍ਰਧਾਨ ਮੰਤਰੀ ਨੇ ਇਹ ਨਹੀਂ ਕਿਹਾ ਹੈ ਕਿ ਟਰੰਪ ਝੂਠ ਬੋਲ ਰਹੇ ਹਨ। ਹਰ ਕੋਈ ਜਾਣਦਾ ਹੈ ਕਿ ਉਹ ਬੋਲ ਨਹੀਂ ਪਾ ਰਹੇ ਹਨ। ਇਹੀ ਅਸਲੀਅਤ ਹੈ। ਜੇਕਰ ਪ੍ਰਧਾਨ ਮੰਤਰੀ ਮੋਦੀ ਬੋਲਦੇ ਹਨ, ਤਾਂ ਉਹ (ਡੋਨਾਲਡ ਟਰੰਪ) ਖੁੱਲ੍ਹ ਕੇ ਗੱਲਾਂ ਕਹਿਣਗੇ ਅਤੇ ਪੂਰੀ ਸੱਚਾਈ ਰੱਖਣਗੇ, ਇਸ ਲਈ ਉਹ *(ਪ੍ਰਧਾਨ ਮੰਤਰੀ ਮੋਦੀ) ਬੋਲ ਨਹੀਂ ਪਾ ਰਹੇ..."। ਓਧਰ ਕਾਂਗਰਸ ਸੰਸਦ ਮੈਂਬਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਕਿਹਾ, "ਪ੍ਰਧਾਨ ਮੰਤਰੀ ਮੋਦੀ ਅਤੇ ਵਿਦੇਸ਼ ਮੰਤਰੀ ਡਾ. ਐਸ ਜੈਸ਼ੰਕਰ ਦੁਆਰਾ ਵਰਤੇ ਗਏ ਸ਼ਬਦ, ਜੇ ਤੁਸੀਂ ਉਨ੍ਹਾਂ ਨੂੰ ਧਿਆਨ ਨਾਲ ਸੁਣੋ, ਤਾਂ ਉਹ 'ਗੋਲ-ਮੋਲ' ਸ਼ਬਦ ਹਨ। ਰਾਹੁਲ ਗਾਂਧੀ ਨੇ ਕੱਲ੍ਹ ਵੀ ਕਿਹਾ ਸੀ, ਉਨ੍ਹਾਂ ਨੂੰ ਸਿੱਧਾ ਕਹਿਣਾ ਚਾਹੀਦਾ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਝੂਠ ਬੋਲ ਰਹੇ ਹਨ..."।