ਬੀਐਸਐਫ ਅਤੇ ਸੀਆਰਪੀਐਫ ਨੇ ਆਪਣੀਆਂ ਟੁਕੜੀਆਂ ਵਿਚ ਵਧਾ ਦਿੱਤੀ ਹੈ ਭਾਰਤੀ ਨਸਲ ਦੇ ਕੁੱਤਿਆਂ ਦੀ ਗਿਣਤੀ - ਪ੍ਰਧਾਨ ਮੰਤਰੀ

ਨਵੀਂ ਦਿੱਲੀ, 26 ਅਕਤੂਬਰ - ਮਨ ਕੀ ਬਾਤ ਦੇ 127ਵੇਂ ਐਪੀਸੋਡ ਵਿਚ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ,"ਪੰਜ ਸਾਲ ਪਹਿਲਾਂ, ਮੈਂ ਇਸ ਪ੍ਰੋਗਰਾਮ ਵਿਚ ਕੁੱਤਿਆਂ ਦੀਆਂ ਭਾਰਤੀ ਨਸਲਾਂ ਬਾਰੇ ਚਰਚਾ ਕੀਤੀ ਸੀ। ਮੈਨੂੰ ਇਹ ਕਹਿੰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਬੀਐਸਐਫ ਅਤੇ ਸੀਆਰਪੀਐਫ ਨੇ ਆਪਣੀਆਂ ਟੁਕੜੀਆਂ ਵਿਚ ਭਾਰਤੀ ਨਸਲ ਦੇ ਕੁੱਤਿਆਂ ਦੀ ਗਿਣਤੀ ਵਧਾ ਦਿੱਤੀ ਹੈ।
ਬੀਐਸਐਫ ਦਾ ਕੁੱਤਿਆਂ ਲਈ ਰਾਸ਼ਟਰੀ ਸਿਖਲਾਈ ਕੇਂਦਰ ਟੇਕਨਪੁਰ, ਗਵਾਲੀਅਰ ਵਿਚ ਸਥਿਤ ਹੈ। ਇੱਥੇ, ਉੱਤਰ ਪ੍ਰਦੇਸ਼ ਦੇ ਰਾਮਪੁਰ ਹਾਉਂਡ ਅਤੇ ਕਰਨਾਟਕ ਅਤੇ ਮਹਾਰਾਸ਼ਟਰ ਦੇ ਮੁਧੋਲ ਹਾਉਂਡ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾ ਰਿਹਾ ਹੈ। ਬੈਂਗਲੁਰੂ ਵਿਚ ਸੀਆਰਪੀਐਫ ਸੀਆਰਪੀਐਫ ਦੇ ਕੁੱਤਿਆਂ ਦੇ ਪ੍ਰਜਨਨ ਅਤੇ ਸਿਖਲਾਈ ਸਕੂਲ ਵਿਚ, ਮੋਂਗਰੇਲ, ਮੁਧੋਲ ਹਾਉਂਡ, ਕੋਂਬਾਈ ਅਤੇ ਪਾਂਡੀਕੋਨਾ ਵਰਗੀਆਂ ਭਾਰਤੀ ਨਸਲਾਂ ਨੂੰ ਸਿਖਲਾਈ ਦਿੱਤੀ ਜਾ ਰਹੀ ਹੈ।" "ਪਿਛਲੇ ਸਾਲ ਲਖਨਊ ਵਿਚ ਰੀਆ ਨਾਮ ਦੇ ਇਕ ਕੁੱਤੇ ਨੇ ਆਲ ਇੰਡੀਆ ਪੁਲਿਸ ਡਿਊਟੀ ਮੀਟ ਵਿਚ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਹ ਬੀਐਸਐਫ ਦੁਆਰਾ ਸਿਖਲਾਈ ਪ੍ਰਾਪਤ ਮੁਧੋਲ ਹਾਉਂਡ ਹੈ। ਰੀਆ ਨੇ ਉੱਥੇ ਪਹਿਲਾ ਇਨਾਮ ਜਿੱਤਿਆ, ਕਈ ਵਿਦੇਸ਼ੀ ਨਸਲਾਂ ਨੂੰ ਪਿੱਛੇ ਛੱਡ ਦਿੱਤਾ। ਸਾਡੇ ਦੇਸੀ ਕੁੱਤਿਆਂ ਨੇ ਵੀ ਸ਼ਾਨਦਾਰ ਹਿੰਮਤ ਦਿਖਾਈ ਹੈ। ਪਿਛਲੇ ਸਾਲ, ਛੱਤੀਸਗੜ੍ਹ ਦੇ ਇਕ ਮਾਓਵਾਦੀ ਪ੍ਰਭਾਵਿਤ ਖੇਤਰ ਵਿਚ ਗਸ਼ਤ ਦੌਰਾਨ, ਸੀਆਰਪੀਐਫ ਦੇ ਇਕ ਦੇਸੀ ਕੁੱਤੇ ਨੇ 8 ਕਿਲੋਗ੍ਰਾਮ ਵਿਸਫੋਟਕ ਦਾ ਪਤਾ ਲਗਾਇਆ। ਮੈਂ ਬੀਐਸਐਫ ਅਤੇ ਸੀਆਰਪੀਐਫ ਨੂੰ ਇਸ ਦਿਸ਼ਾ ਵਿਚ ਕੀਤੇ ਗਏ ਯਤਨਾਂ ਲਈ ਵਧਾਈ ਦਿੰਦਾ ਹਾਂ।"