ਕੇਰਲ ਚੋਣਾਂ : 2026 ਵਿਚ ਐਨ.ਡੀ.ਏ. ਦੀ ਜਿੱਤ ਪੱਕੀ - ਅਮਿਤ ਸ਼ਾਹ

4 hours 35 minutes ago

ਤਿਰੂਵਨੰਤਪੁਰਮ (ਕੇਰਲ), 11 ਜਨਵਰੀ (ਏਐਨਆਈ): ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਦਾਅਵਾ ਕੀਤਾ ਕਿ ਰਾਸ਼ਟਰੀ ਲੋਕਤੰਤਰੀ ਗਠਜੋੜ (ਐਨ.ਡੀ.ਏ.) ਆਉਣ ਵਾਲੀਆਂ ਕੇਰਲ ਚੋਣਾਂ ਜਿੱਤੇਗਾ। ਤਿਰੂਵਨੰਤਪੁਰਮ ਵਿਚ ਭਾਜਪਾ ਦੀ ਇਤਿਹਾਸਕ ਜਿੱਤ 'ਤੇ ਪ੍ਰਤੀਬਿੰਬਤ ਕਰਦੇ ਹੋਏ, ਸ਼ਾਹ ਨੇ ਪੁਸ਼ਟੀ ਕੀਤੀ ਕਿ "ਕੋਈ ਵੀ ਪਾਰਟੀ ਜੋ 20% ਦੀ ਹੱਦ ਪਾਰ ਕਰਦੀ ਹੈ, ਉਸ ਨੂੰ 40% ਤੱਕ ਪਹੁੰਚਣ ਲਈ 5 ਸਾਲ ਨਹੀਂ ਲੱਗਦੇ।" ਕੇਰਲਾ ਕੌਮੂਦੀ ਵਲੋਂ ਆਯੋਜਿਤ 'ਨਵਾਂ ਭਾਰਤ, ਨਵਾਂ ਕੇਰਲਾ' ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਸ਼ਾਹ ਨੇ ਲੋਕ ਸਭਾ ਚੋਣਾਂ ਵਿਚ ਐਨ.ਡੀ.ਏ. ਸਰਕਾਰ ਦੇ ਪ੍ਰਦਰਸ਼ਨ 'ਤੇ ਚਾਨਣਾ ਪਾਇਆ ਅਤੇ ਦਾਅਵਾ ਕੀਤਾ ਕਿ ਪਾਰਟੀ, 2024 ਦੀਆਂ ਚੋਣਾਂ ਦੇ 20% ਵੋਟ ਸ਼ੇਅਰ ਤੋਂ 2026 ਵਿਚ 40% ਤੱਕ ਪਹੁੰਚ ਜਾਵੇਗੀ। ਜਦੋਂ ਮੈਂ ਕਹਿੰਦਾ ਹਾਂ ਕਿ ਕੇਰਲਾ ਵਿਚ ਅਗਲੀ ਸਰਕਾਰ ਐਨ.ਡੀ.ਏ. ਸਰਕਾਰ ਹੋਵੇਗੀ, ਇਕ ਭਾਜਪਾ ਸਰਕਾਰ ਤਾਂ ਤੁਹਾਡੇ ਲਈ ਸ਼ੱਕ ਹੋਣਾ ਬਹੁਤ ਸੁਭਾਵਿਕ ਹੈ । ਮੈਂ 15 ਸਾਲ ਦੀ ਉਮਰ ਤੋਂ ਹੀ ਚੋਣ ਅੰਕੜਿਆਂ ਦਾ ਵਿਦਿਆਰਥੀ ਰਿਹਾ ਹਾਂ । 2014 ਦੀਆਂ ਲੋਕ ਸਭਾ ਚੋਣਾਂ ਵਿਚ, ਭਾਜਪਾ ਨੂੰ ਕੇਰਲਾ ਵਿਚ 11% ਵੋਟ ਮਿਲੇ। 2019 ਦੀਆਂ ਲੋਕ ਸਭਾ ਚੋਣਾਂ ਵਿਚ, ਐਨ.ਡੀ. ਏ. ਨੂੰ ਕੇਰਲਾ ਵਿਚ 16% ਵੋਟ ਮਿਲੇ। 2024 ਦੀਆਂ ਲੋਕ ਸਭਾ ਚੋਣਾਂ ਵਿਚ ਅਸੀਂ 20% ਤੱਕ ਪਹੁੰਚ ਗਏ ਹਾਂ। ਪਿਛਲੇ ਮਹੀਨੇ, ਭਾਜਪਾ ਦੀ ਅਗਵਾਈ ਵਾਲੇ ਐਨ.ਡੀ.ਏ. ਨੇ ਤਿਰੂਵਨੰਤਪੁਰਮ ਕਾਰਪੋਰੇਸ਼ਨ ਵਿਚ ਇਤਿਹਾਸ ਰਚਿਆ ਕਾਰਪੋਰੇਸ਼ਨ ਦਾ ਕੰਟਰੋਲ ਹਾਸਲ ਕੀਤਾ ਅਤੇ ਐਲ.ਡੀ.ਐਫ. ਦੇ 40 ਸਾਲਾਂ ਦੇ ਸ਼ਾਸਨ ਨੂੰ ਖ਼ਤਮ ਕੀਤਾ।