ਪੁਡੂਚੇਰੀ: ਸਾਬਕਾ ਪੀਸੀਸੀ ਪ੍ਰਧਾਨ ਏਵੀ ਸੁਬਰਾਮਨੀਅਮ ਵਲੋਂ ਕਾਂਗਰਸ ਦੇ ਸਾਰੇ ਅਹੁਦਿਆਂ ਤੋਂ ਅਸਤੀਫਾ

ਪੁਡੂਚੇਰੀ, 28 ਮਾਰਚ - ਪੁਡੂਚੇਰੀ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ, ਸਾਬਕਾ ਕਾਂਗਰਸ ਨੇਤਾ ਏਵੀ ਸੁਬਰਾਮਨੀਅਮ ਨੇ ਕਾਂਗਰਸ ਪਾਰਟੀ ਦੇ ਸਾਰੇ ਅਹੁਦਿਆਂ ਤੋਂ ਅਸਤੀਫਾ ਦੇ ਦਿੱਤਾ।ਪੁਡੂਚੇਰੀ ਪ੍ਰਦੇਸ਼ ਕਾਂਗਰਸ ਕਮੇਟੀ (ਪੀਸੀਸੀ) ਦੇ ਪ੍ਰਧਾਨ ਵੀ ਵੈਥਿਲਿੰਗਮ ਨੂੰ ਲਿਖੇ ਇਕ ਪੱਤਰ ਵਿਚ, ਸੁਬਰਾਮਨੀਅਮ ਨੇ "ਨਿੱਜੀ ਕਾਰਨਾਂ ਅਤੇ ਅਟੱਲ ਹਾਲਾਤਾਂ" ਨੂੰ ਇਸ ਫੈਸਲੇ ਦੇ ਕਾਰਨ ਦੱਸਿਆ।
ਉਨ੍ਹਾਂ ਦਾ ਇਹ ਫੈਸਲਾ ਪੁਡੂਚੇਰੀ ਕਾਂਗਰਸ ਦੇ ਪ੍ਰਧਾਨ ਵੀ ਵੈਥਿਲਿੰਗਮ ਦੁਆਰਾ ਦਿਨ ਦੇ ਸ਼ੁਰੂ ਵਿਚ ਆਉਣ ਵਾਲੀਆਂ ਚੋਣਾਂ ਲਈ ਪਾਰਟੀ ਦੇ 16 ਉਮੀਦਵਾਰਾਂ ਦੀ ਸੂਚੀ ਜਾਰੀ ਕਰਨ ਤੋਂ ਬਾਅਦ ਆਇਆ ਹੈ।ਸੂਚੀ ਦੇ ਅਨੁਸਾਰ, ਡੀਪੀਆਰ ਸੇਲਵਮ ਮੰਨਾਡੀਪੱਟੂ ਤੋਂ ਚੋਣ ਲੜਨਗੇ, ਜਦੋਂ ਕਿ ਪੀ ਕਾਰਤੀਕੇਅਨ ਨੂੰ ਓਸੁਡੂ ਤੋਂ ਚੋਣ ਮੈਦਾਨ ਵਿਚ ਉਤਾਰਿਆ ਗਿਆ ਹੈ। ਹੋਰ ਪ੍ਰਮੁੱਖ ਉਮੀਦਵਾਰਾਂ ਵਿਚ ਇੰਦਰਾਨਗਰ ਤੋਂ ਐਨ ਰਾਜਾ ਕੁਮਾਰ, ਥੱਟਨਚਾਵਡੀ ਤੋਂ ਵੀ ਵੈਥਿਲਿੰਗਮ, ਕਾਮਰਾਜਨਗਰ ਤੋਂ ਪੀਕੇ ਦੇਵਦਾਸ ਅਤੇ ਲਾਅਸਪੇਟ ਤੋਂ ਐਮ ਵੈਦਿਆਨਾਥਨ ਸ਼ਾਮਲ ਹਨ। ਜੀ ਰਾਜੇਂਦਰਨ ਮੁਥਿਆਲਪੇਟ ਤੋਂ, ਜੇ ਵਿਜੇਲਕਸ਼ਮੀ ਅਰੀਅਨਕੁੱਪਮ ਤੋਂ ਅਤੇ ਆਰਕੇਆਰ ਆਨੰਦਰਾਮਨ ਮਾਨਵੇਲੀ ਤੋਂ ਚੋਣ ਲੜਨਗੇ।