ਰਾਜ ਸਭਾ ’ਚ ਪੇਸ਼ ਹੋਇਆ ਪੇਪਰ ਲੀਕ ਸੋਧ ਬਿੱਲ

ਨਵੀਂ ਦਿੱਲੀ, 30 ਜੁਲਾਈ- ਕੇਂਦਰੀ ਮੰਤਰੀ ਜਤਿੰਦਰ ਸਿੰਘ ਨੇ ਰਾਜ ਸਭਾ ਵਿਚ ਪੇਪਰ ਲੀਕ ਨਾਲ ਸੰਬੰਧਿਤ ਜਨਤਕ ਪ੍ਰੀਖਿਆਵਾਂ (ਅਨਿਆਂਪੂਰਨ ਸਾਧਨਾਂ ਦੀ ਰੋਕਥਾਮ) ਸੋਧ ਬਿੱਲ ਪੇਸ਼ ਕੀਤਾ। ਸਦਨ ਵਿਚ ਇਸ ਸਮੇਂ ਬਿੱਲ 'ਤੇ ਬਹਿਸ ਕੀਤੀ ਜਾ ਰਹੀ ਹੈ। ਬਿੱਲ 'ਤੇ ਲਗਭਗ ਸੱਤ ਘੰਟੇ ਚਰਚਾ ਹੋਣ ਦੀ ਉਮੀਦ ਹੈ। ਕਾਂਗਰਸ ਪ੍ਰਧਾਨ ਮੱਲਿਕ ਅਰਜੁਨ ਖੜਗੇ ਬਹਿਸ ਵਿਚ ਹਿੱਸਾ ਲੈਣਗੇ।

ਰਾਜ ਸਭਾ ਵਿਚ ਪੇਪਰ ਲੀਕ ਸੋਧ ਬਿੱਲ ਪੇਸ਼ ਕਰਦੇ ਹੋਏ ਕੇਂਦਰੀ ਮੰਤਰੀ ਜਤਿੰਦਰ ਸਿੰਘ ਨੇ ਕਿਹਾ ਕਿ ਵਿਰੋਧੀ ਧਿਰ ਦਾ ਜਵਾਬ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ ਕਿ ਉਹ 2024 ਦੇ ਕਾਨੂੰਨ ਅਤੇ ਮੌਜੂਦਾ ਸੋਧ ਦੀ ਜ਼ਰੂਰਤ ਨੂੰ ਸਵੀਕਾਰ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਵਿਚ ਚਾਰ ਪ੍ਰਮੁੱਖ ਭਰਤੀ ਏਜੰਸੀਆਂ ਹਨ: UPSC, ਸਟਾਫ ਸਿਲੈਕਸ਼ਨ ਕਮਿਸ਼ਨ (SSC), ਰੇਲਵੇ ਭਰਤੀ ਬੋਰਡ (RRB), ਅਤੇ ਇੰਸਟੀਚਿਊਟ ਆਫ ਬੈਂਕਿੰਗ ਪਰਸੋਨਲ ਸਿਲੈਕਸ਼ਨ (IBPS)। ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਉੱਚ ਸਿੱਖਿਆ ਵਿਚ ਦਾਖਲੇ ਲਈ ਮੁੱਖ ਪ੍ਰੀਖਿਆ ਏਜੰਸੀ ਹੈ।